Imḍebbṛen sɛan liman d ṣṣber

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

² Ay atmaten, feṛḥet mi ara ttɛeddayent fell-awen teswiɛin ujeṛṛeb, ³ axaṭer teẓram d akken ajeṛṛeb n liman-nwen ittawi-d ṣṣber. ⁴ Meɛna ilaq ṣṣber ad ixdem ccɣel-is s lekmal, i wakken ad tilim d ineblalen, tennekmalem yernu ur kkun-ittxaṣṣa kra. ⁵ Ma yella yiwen deg-wen ixuṣṣ di lekyasa, ad tt-issuter i Yillu i d-ittaken i yimdanen meṛṛa mebla cceḥḥa d ulummu, ad as-tt-id-ifk. ⁶ Lameɛna Ilaq ad tt-issuter s liman mebla ccekk ; axaṭer win ittcukkun icuba ɣer lemwaji n yilel i ireffed yesrusu waḍu. ⁷ Amdan am wagi ɣas ur iṭṭamaɛ ara deg Umeɣlal ad as-d-ifk kra, ⁸ axaṭer d amdan ur nesɛi ara yiwen n ṛṛay, ur nerkid ara deg iberdan-is meṛṛa. ⁹ Igellil ilaq ad ifṛeḥ imi i t-irfed Yillu ; ¹⁰ ma d ameṛkanti ad ifṛeḥ imi t-id-issers Yillu, axaṭer ad ifnu akken ifennu ujeǧǧig n lexla. ¹¹ Mi ara d-yali yiṭij s leḥmu-ines isseṛɣayen, imɣi ad iqqar, ajeǧǧig-is ad iɣli, ccbaḥa-ines ad as-tṛuḥ. Akken ara yisliw umeṛkanti deg wayen akk ixeddem. ¹² D aseɛdi wemdan i iṣebbṛen deg ujeṛṛeb ; axaṭer mi ara iɛeddi seg ujeṛṛeb, ad as-d-tettunefk tɛeṣṣabt n tudert i yewɛed Yillu i wid i t-iḥemmlen. ¹³ Mi ara yettwaɣwu ḥed, ur as-iqqar ara : D Illu i yi-ɣwan. Axaṭer Illu ur izmir ara cceṛ ad t-iɣwu yerna netta ur iɣewwu ula d yiwen. ¹⁴ Lameɛna yal yiwen ittɛedday deg ujeṛṛeb axaṭer d ccehwat-is i t-ijebbden, i t-ittɣuṛṛun. ¹⁵ Imiren ccehwa mi ara taɣ, ad d-tarew ddnub ; ddnub mi ara yettwixdem ad d-iǧǧ lmut. ¹⁶ Ay atmaten-iw ɛzizen ur ɣellṭet ara deg wayagi : ¹⁷ Kra n tikci ifazen, d kra n terzeft taneblalt tekkent-d seg igenni, sɣuṛ bab n tafat, netta ur nettenbeddal, ur ntezzi am tili. ¹⁸ Yehwa-yas ad aɣ-d-ifk tudert s wawal-is n tidett, i wakken ad nili d imezwura deg wayen akk i d-ixleq.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.