Imḍebbṛen ttakken izerfan-nsen

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁶ Ur ttzuxxuɣ ara s yiman-iw imi ttbecciṛeɣ Lexbeṛ n Lxir, axaṭer ttwaḥerṣeɣ ad beccṛeɣ. A nnger-iw ma ur beccṛeɣ ara Lexbeṛ-agi n Lxir. ¹⁷ Lemmer xedmeɣ ayagi s lebɣi-w sɛiɣ lḥeqq ad ssutreɣ lexlaṣ, meɛna d Illu i iḥettmen fell-i ccɣel-agi. ¹⁸ Ihi, d acu i d lexlaṣ-iw ? D lfeṛḥ i seɛɛuɣ mi ara ttbecciṛeɣ Lexbeṛ n Lxir mebla lexlaṣ, mebla ma ssutreɣ lḥeqq-iw. ¹⁹ Ɣas akken ur iyi-ittalas yiwen kra ; rriɣ iman-iw d aqeddac n mkul yiwen i wakken ad d-rebḥeɣ aṭas n yimdanen ɣer webrid n Lmasiḥ. ²⁰ Ɣer wat Isṛail rriɣ iman-iw am nutni i wakken ad ten-id-rebḥeɣ ; ɣer wid ittabaɛen asaḍuf tebɛeɣ-t am nutni i wakken ad ten-id-rebḥeɣ, ɣas akken nekk ur lliɣ ara seddaw leḥkem n usaḍuf. ²¹ Akka daɣen, mi ara iliɣ d wid ur nesɛi ara asaḍuf, ttarraɣ iman-iw am akken ur sɛiɣ ara asaḍuf i wakken ad ten-id-rebḥeɣ, ɣas akken nekk sɛiɣ asaḍuf n Yillu imi d Lmasiḥ i d asaḍuf-inu. ²² Akked wid ur neǧhid ara, uɣaleɣ am nutni, i wakken ad ten-id-rebḥeɣ. Ddiɣ di lebɣi i mkul yiwen i wakken ad d-sellkeɣ ulamma d kra deg-sen. ²³ Ayagi akk xedmeɣ-t ɣef ddemma n Lexbeṛ n Lxir i wakken ad sɛuɣ yid-sen amur. ²⁴ Di temzizzla, teẓram d akken gar wid akk ittazzalen deg wannar, yiwen kan ara irebḥen. Azzlet ihi amek ara trebḥem. ²⁵ Yal anaddal ittḥeggif iman-is deg waṭas n leḥwayeǧ ; nutni i wakken ad d-rebḥen cciɛa ur nettdum ara, lameɛna nekni, i wakken ad nerbeḥ cciɛa ara idumen. ²⁶ Nekk ur ttazzaleɣ ara am win ur nesɛi ara lmeqsud, ur kkateɣ ara deg ubeḥri mi ara ttnaɣeɣ ; ²⁷ meɛna ttɛettibeɣ tafekka-inu, ttɛassaɣ ɣef yiman-iw, axaṭer uggadeɣ nekk i ibeccṛen i wiyaḍ ad ɣliɣ, ad uɣaleɣ ɣer deffir.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.