បង្វឹក និងពហុគុណអ្នកដឹកនាំ

មើលនៅលើ YouTube

Youtube អនុញ្ញាតឱ្យអ្នកមើលជាមួយអក្សរបញ្ចូល និងបញ្ចេញទៅកាន់ទូរសរណៈរបស់អ្នកដោយស្រួល!

ការប្រកបគ្នា

ដោយផ្អែកលើអ្វីដែលបានកើតឡើងចំពោះលោកអ្នកតាំងពីពេលដែលយើងបានជួបគ្នាលើកមុនមក តើមានអ្វីខ្លះដែលលោកអ្នកត្រូវអរព្រះគុណដល់ព្រះជាម្ចាស់ដែរឬទេ?

តើលោកអ្នកថប់បារម្ភចំពោះរឿងអ្វីខ្លះនៅសប្ដាហ៍នេះ? តើលោកអ្នកត្រូវការអ្វីខ្លះ ដើម្បីឲ្យរឿងរ៉ាវបានប្រសើរជាងមុន?

តើអ្វីខ្លះគឺជាសេចក្ដីត្រូវការអ្នកបាត់បង់នៅក្នុងសហគមន៍លោកអ្នក? តើលោកអ្នកអាចជួយគ្នាបំពេញសេចក្ដីត្រូវការដែលយើងបានបង្ហាញចេញបានយ៉ាងដូចម្ដេច?

តើព្រះជាម្ចាស់កំពុងធ្វើការយ៉ាងដូចម្ដេចតាមរយៈការខំប្រឹងប្រែងរបស់លោកអ្នក ដើម្បីពហុគុណការអធិដ្ឋាន? តើមានរឿងអំពីការអធិស្ឋានទទួលបានការឆ្លើយតប ដែលយើងអាចសរសើរតម្កើងព្រះអង្គដែរឬទេ?

កាលជួបគ្នាលើកមុន តើយើងរៀនបានអ្វីខ្លះអំពីការបង្កើតសិស្ស?

កាលជួបគ្នាលើកមុន លោកអ្នកបានសម្រេចចិត្តអនុវត្តនូវអ្វីដែលលោកអ្នកបានរៀន។ តើលោកអ្នកបានធ្វើអ្វីខ្លះ ហើយវាមានដំណើរការទៅយ៉ាងដូចម្ដេចដែរ?

តើលោកអ្នកបានចែកចាយរឿងកាលពីលើកមុនជាមួយនរណា? តើពួកគេបានឆ្លើយតបយ៉ាងដូចម្ដេច?

យើងបានឃើញសេចក្ដីត្រូវការមួយចំនួនកាលពីជួបគ្នាលើកមុន ហើយក៏បានរៀបផែនការបំពេញសេចក្ដីត្រូវការទាំងនោះ តើវាដំណើរការទៅយ៉ាងដូចម្ដេចដែរ?

ឥឡូវនេះ សូមអានសេចក្ដីពិតថ្មីមកពីព្រះជាម្ចាស់...

២ ធីម៉ូថេ 2: 1-3

¹ ដូច្នេះ កូនអើយ ចូរមានកម្លាំងឡើង ដោយពឹងផ្អែកលើព្រះ‌គុណដែលយើងមានដោយរួមជាមួយព្រះគ្រិស្ត‌យេស៊ូ។ ² សេចក្ដីទាំងអស់ដែលអ្នកបានឮពីខ្ញុំនៅមុខសាក្សីជាច្រើននាក់ ត្រូវប្រគល់ឲ្យបងប្អូនណាដែលស្មោះត្រង់ និងមានសមត្ថ‌ភាពអាចបង្រៀនបន្តទៅអ្នកផ្សេងទៀតចុះ។ ³ ចូររួមរងទុក្ខលំបាក ក្នុងឋានៈជាទាហានដ៏ល្អរបស់ព្រះគ្រិស្ត‌យេស៊ូ។

កម្មវិធី

ឥឡូវនេះ សូមឲ្យនរណាម្នាក់រៀបរាប់បទគម្ពីរនេះឡើងវិញដោយប្រើពាក្យពេចន៍របស់ខ្លួន ឲ្យហាក់បីដូចជាកំពុងប្រាប់មិត្តភក្តិម្នាក់ ដែលមិនធ្លាប់បានឮពីបទគម្ពីរនោះពីមុនមក។ សូមជួយពួកគេ ប្រសិនបើពួកមានការខ្វះចន្លោះ ឬលើសលស់ត្រង់ត្រង់ណា ដោយអចេតនា។ បើមានការខ្វះ ឬលើសលស់ យើងអាចសួរថា៖ «តើអ្នករកឃើញសេចក្ដីនោះត្រង់ណានៅក្នុងរឿង?»។

តើរឿងនេះបានបង្រៀនយើងដូចម្ដេចអំពីព្រះជាម្ចាស់ អត្តចរិតព្រះអង្គ និងអ្វីដែលព្រះអង្គបានធ្វើ?

តាមរយៈរឿងនេះ តើយើងរៀនបានអ្វីខ្លះអំពីការបង្កើតសិស្ស?

តើលោកអ្នកនឹងអនុវត្តអ្វីដែលព្រះជាម្ចាស់បានបង្ហាញប្រាប់លោកអ្នកចេញពីរឿងនេះនៅក្នុងជីវិតរបស់លោកអ្នកដោយរបៀបណានៅសប្ដាហ៍នេះ? តើលោកអ្នកនឹងធ្វើសកម្មភាព ឬកិច្ចការជាក់លាក់អ្វី?

ឥឡូវនេះ សូមមើលវីដេអូបង្រៀនថ្ងៃនេះ...

វីដេអូអំពីការបណ្ដុះបណ្ដាល

ចូរពិភាក្សាអ្វីដែលយើងទើបតែបានរៀន និងរបៀបដែលយើងអាចអនុវត្តចំណុចនោះបាន នៅពេលដែលយើងបង្កើតសិស្ស។

ឥឡូវនេះ ចូរនិយាយអំពីការភ្ជាប់ទំនាក់ទំនងជាមួយអ្នកបាត់បង់។ តើលោកអ្នកបាននិយាយជាមួយនរណា ចាប់តាំងពីយើងជួបគ្នាលើកមុនមក? តើយើងអាចអធិស្ឋានឲ្យពួកគេបានយ៉ាងដូចម្ដេច?

តើយើងនឹងភ្ជាប់ទំនាក់ទំនងជាមួយមនុស្សទាំងនេះ និងអ្នកដទៃទៀតដោយរបៀបណា ដើម្បីបាននិយាយគ្នាជាមួយពួកគេនៅសប្ដាហ៍នេះ?

ការជួបជុំរបស់យើងដល់ទីបញ្ចប់ហើយ សូមសម្រេចថាយើងនឹងជួបគ្នាម្ដងទៀតនៅពេលណា ហើយនរណាជាអ្នកសម្របសម្រួលការជួបជុំលើកក្រោយរបស់យើង។

យើងលើកទឹកចិត្តលោកអ្នកឲ្យកត់ត្រាអ្វីដែលលោកអ្នកបាននិយាយថា លោកអ្នកនឹងធ្វើ ហើយសូមអានរឿងនេះឡើងវិញនៅប៉ុន្មានថ្ងៃនេះ មុនយើងជួបគ្នាម្ដងទៀត។ អ្នកសម្របសម្រួលអាចចែកអត្ថបទរឿង ឬរឿងជាសំឡេង ប្រសិនបើមានអ្នកណាម្នាក់ពុំមានវាទេ។ ពេលយើងបែកគ្នាទៅ ចូរទូលសូមព្រះអម្ចាស់ឲ្យជួយយើង។