Fidelite ek miltiplikasion

1 Anou rann gras Bondie pou tou seki li finn fer depi dernie fwa ki nou ti zwenn. Ki sante Morisien nou kapav sante pou lwe Zezi? Sinon, nou kapav zis fer enn lapriyer pou remersie li.

2 Ki finn stres zot sa semenn-la? Apre ki sak dimounn finn partaze, pa bliye priye pou zot ek soutenir zot.

3 Kouma nou kapav priye pou nou bann kominote ek servi zot, dan enn fason pratik?

4 Ki zistoir ti ena dernier fois nou ti zwenn? Ki nou inn appran lor Bondie ek dimounn?

5 Dan nou dernie renkont, ou ti desid aplik seki ou finn aprann. Ki ou fer, ek kouma sa passer?

6 Ar kisana to in partaz zistoir ki nou ti appran dernier fois? Kuma zot inn reazir?

7 Nou finn idantifie plizir nesesite dernie fois nou ti zwenn ek nou ti pe planifie pou satisfer sa ban nesesite-la. Kouma sa inn passer?

8 Asterla, annou lir zistoir Bondie kin donn nou zordi...

¹ Timote, mo garson, les Lekris Zezi rann twa pli for. ² To finn temwin mo lansegnman. Mo oule asterla ki to transmet tousala bann dimoun sir ki pou kapav ansegn lezot. ³ Kouma enn vre solda Zezi Kris, pran to par soufrans. ⁴ Enn vre solda pa mel li ar lavi sivil. Li travay zis pou so sef. ⁵ Okenn atlet pa reysi san respekte bann regleman. ⁶ Planter ki finn travay dir ki resevwar premie par larekolt. ⁷ Mazinn bien seki mo pe dir twa, Bondie pou fer twa trouve.

1 Asterla, anou demann enn dimounn rakont sa pasaz-la dan so prop mo, koumadir li pe rakont li kikenn ki pa finn tann li zame. Anou ed li si li bliye kitsoz ouswa azout kitsoz par erer. Si sa arive, nou kapav demann li, "Kot to trouv sa dan zistwar-la?"

2 Ki sa zistwar-la aprann nou lor Bondie, so karakter ek seki li fer?

3 Ki nou finn aprann lor limanite ek lor nou mem dan sa zistwar-la?

4 ⁠Kouma sa zistwar-la aprann nou vinn enn responsab?

5 Kouma zot kapav aplik laverite parol Bondie dan zot lavi sa semenn-la? Ki zafer spesifik zot pou fer?

6 Avek kisana zot pou partaz la verite ki zot finn aprann dan sa zistwar-la avan nou re zwenn? Eski zot konn lezot dimounn ki ti pou kontan dekouver parol Bondie par sa aplikasion-la?

7 Alor ki nou renion pe al fini, anou deside kan nou pou rezwenn ankor ek kisann-la pou gid nou dan prosin renion.

8 Nou ankouraz zot pran not seki zot inn dir zot pou fer, ek re-lir sa zistwar-la avan nou re-zwenn. Si zot pena li, gid-la kapav partaz tex ouswa odio zistwar-la.Avan ki nwale, anou demann nou Senier ed nou.