Bann disip beni par Bondie

1 Anou rann gras Bondie pou tou seki li finn fer depi dernie fwa ki nou ti zwenn. Ki sante Morisien nou kapav sante pou lwe Zezi? Sinon, nou kapav zis fer enn lapriyer pou remersie li.

2 Ki finn stres zot sa semenn-la? Apre ki sak dimounn finn partaze, pa bliye priye pou zot ek soutenir zot.

3 Kouma nou kapav priye pou nou bann kominote ek servi zot, dan enn fason pratik?

4 Ki zistoir ti ena dernier fois nou ti zwenn? Ki nou inn appran lor Bondie ek dimounn?

5 Dan nou dernie renkont, ou ti desid aplik seki ou finn aprann. Ki ou fer, ek kouma sa passer?

6 Ar kisana to in partaz zistoir ki nou ti appran dernier fois? Kuma zot inn reazir?

7 Nou finn idantifie plizir nesesite dernie fois nou ti zwenn ek nou ti pe planifie pou satisfer sa ban nesesite-la. Kouma sa inn passer?

8 Asterla, annou lir zistoir Bondie kin donn nou zordi...

¹ Ler Zezi trouv sa lafoul dimoun la, li mont lor montagn e li asize. So bann disip rasanble otour li. ² Li pran laparol e li koumans ansegn zot. ³ “Bienere zot ki pov dan zot lespri, Rwayom Bondie li pou zot. ⁴ Bienere zot ki andey, zot pou gagn konsolasion. ⁵ Bienere zot ki dou e ranpli avek imilite, zot pou erit later promiz. ⁶ Bienere zot ki fin ek swaf lazistis, zot dezir pou exose. ⁷ Bienere zot ki montre konpasion pou lezot, Bondie pou pitie zot. ⁸ Bienere zot ki ena leker san tas, zot pou ar Bondie e zot pou trouv li. ⁹ Bienere zot ki met lape, Bondie pou apel zot so bann zanfan. ¹⁰ Bienere zot ki dimoun pe persekite akoz zot fer dibien, Rwayom Bondie li pou zot. ¹¹ Zot pou Bienere kan dimoun insilte zot, persekit zot ek malparl zot parski zot krwar dan mwa. ¹² Zot bizin dan lazwa e santi zot ere parski zot ena enn rekonpans dan lesiel; koumsamem zot ti persekit bann ansien profet.

1 Asterla, anou demann enn dimounn rakont sa pasaz-la dan so prop mo, koumadir li pe rakont li kikenn ki pa finn tann li zame. Anou ed li si li bliye kitsoz ouswa azout kitsoz par erer. Si sa arive, nou kapav demann li, "Kot to trouv sa dan zistwar-la?"

2 Ki sa zistwar-la aprann nou lor Bondie, so karakter ek seki li fer?

3 Ki nou finn aprann lor limanite ek lor nou mem dan sa zistwar-la?

4 Kouma sa zistwar-la aprann nou vinn enn disip?

5 Kouma zot kapav aplik laverite parol Bondie dan zot lavi sa semenn-la? Ki zafer spesifik zot pou fer?

6 Avek kisana zot pou partaz la verite ki zot finn aprann dan sa zistwar-la avan nou re zwenn? Eski zot konn lezot dimounn ki ti pou kontan dekouver parol Bondie par sa aplikasion-la?

7 Alor ki nou renion pe al fini, anou deside kan nou pou rezwenn ankor ek kisann-la pou gid nou dan prosin renion.

8 Nou ankouraz zot pran not seki zot inn dir zot pou fer, ek re-lir sa zistwar-la avan nou re-zwenn. Si zot pena li, gid-la kapav partaz tex ouswa odio zistwar-la.Avan ki nwale, anou demann nou Senier ed nou.