1 Kan nou ti zwenn dernie fois, ki kitsoz ki finn arive ek ki ou rekonesan pou li?

2 Ki stress toi sa semenn la ek ki zafr to capav faire pou li korek?

3 Ki bann bezwen bann dimoune ki pas kone Zezi parmi ou kominote, ek kouma nou kapav aidde sakenn satisfé bann bezwen ki nou in mansyone?

4 Kouma Bondie inn travay atraver ou bann zefor pou miltiplie lapriere? Eski ena kit lapriere ki finn realizé ki nou kapav loué Li pou sa?

5 Ki nou in aprann dan nou dernie renion lor kouma pou fer disip?

6 Dan nou dernie renkont, ou ti desid aplik seki ou finn aprann. Ki ou fer, ek kouma sa passer?

7 Ar kisana to in partaz zistoir ki nou ti appran dernier fois? Kuma zot inn reazir?

8 Nou finn idantifie plizir nesesite dernie fois nou ti zwenn ek nou ti pe planifie pou satisfer sa ban nesesite-la. Kouma sa inn passer?

9 Asterla, a nou lir enn nouvo laverite ki Bondié in donn nou...

³⁷ Letan bann dimoun tann sa zot ti boulverse dan zot leker, zot dir Pier e lezot apot, “Frer, ki nou bizin fer?” ³⁸ Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin. ³⁹ Sa promes la li pou zot e zot zanfan, e pou tou seki lwin - pou tou seki Lesegner nou Bondie pou apele.” ⁴⁰ Pier kontign ankouraz bannla ar boukou lezot temwagnaz pou konvink zot; li dir zot, “Sov zotmem depi pinision ki pe vinn lor sa bann move dimoun ki dan perdision.” ⁴¹ Boukou seki finn krwar sa mesaz la ti pran batem, e sa zour la anviron trwa-mil dimoun ti azoute ar group bann krwayan. ⁴² Zot ti devoue zot letan pou ekout lansegnman bann apot e kominion fraternel, zot ti partaz repa lakominion e lapriyer. ⁴³ Boukou mirak ek sign ti pe akonpli par bann apot, e tou dimoun ti inpresione. ⁴⁴ Tou bann krwayan ti ini e ti pe partaz tou zot dibien ansam. ⁴⁵ Zot ti vann zot dibien e seki zot posede, pou zot distribie li dapre seki sakenn ti bizin. ⁴⁶ Zour apre zour zot ti rasanble kouma enn group dan Tanp, zot ti kas dipin ansam dan lakaz, e ti pran zot repa ansam avek enn leker sinser e ranpli ar lazwa. ⁴⁷ Zot ti loue Bondie e ti gagn lestim tou bann dimoun. Toulezour Lesegner ti pe sov dimoun ki li ti pe azout dan zot group.

1 Asterla, anou demann enn dimounn rakont sa pasaz-la dan so prop mo, koumadir li pe rakont li kikenn ki pa finn tann li zame. Anou ed li si li bliye kitsoz ouswa azout kitsoz par erer. Si sa arive, nou kapav demann li, "Kot to trouv sa dan zistwar-la?"

2 Ki sa zistwar-la aprann nou lor Bondie, so karakter ek seki li fer?

3 Kouma sa zistwar-la aprann nou fer bann disip?

4 Kouma nou pou aplik seki Bondie finn montre nou dan sa zistwar-la dan nou lavi sa semenn-la? Ki zafer spesifik nou pou fer?

5 Aster, annou gete video formasyon zordi...

6 Vidéo de formation

7 Anou diskit lor seki nou fek aprann ek kouma nou kapav aplik li pou nou fer bann disip.

8 Aster, anou esey inplik bann dimounn ki pa konn Zezi. Ar kisana zot finn gagn enn konversasion depi dernie fwa nou ti zwenn ek kouma nou kapav priye pou zot?

9 Kouma nou pou apros avek sa bann dimounn-la, ek lezot osi, pou nou gagn bann bon konversasion sa semenn-la?

10 Alor ki nou renion pe al fini, anou deside kan nou pou rezwenn ankor ek kisann-la pou gid nou dan prosin renion.

11 Nou ankouraz zot pran not seki zot inn dir zot pou fer, ek re-lir sa zistwar-la avan nou re-zwenn. Si zot pena li, gid-la kapav partaz tex ouswa odio zistwar-la.Avan ki nwale, anou demann nou Senier ed nou.