Ny herin'i Jesosy amin'ny fahafatesana

1 Raha jerena ny izay nitranga taminao hatramin’ny nihaonantsika farany, inona no zavatra iray isaoranao an’Andriamanitra?

2 Inona no nanahiran-tsaina anao tamin'ity herinandro ity, ary inona no ilainao mba fanatsarana ny zava-misy?

3 Inona no zavatra ilain'ny olona ao amin'ny fiaraha-monina misy anao, ary ahoana no ahafahantsika mifanampy amin'ny fiahiana izany?

4 Inona no tantara tamin'ny fotoana nihaonantsika farany? Inona no nianarantsika mikasika an'Andriamanitra sy ny olona?

5 Tamin'ny fivoriantsika farany, hanapa-kevitra ianao fa hampihatra ny zavatra nianaranao. Inona no nationao, ary nanao ahoana izany?

6 Iza no nizaranao zavatra avy amin'ny tantara tamin'ny farany? Ahoana no nasetrin'izy ireo izany?

7 Nahita zavatra ilaina maromaro Isika tamin'ny fivoriantsika farany ary nanao drafitra hamaliana izany. Nanao ahoana ny fizotrany?

8 Amin'izao fotoana izao isika dia hamaky ny tantara avy amin'Andriamanitra androany...

¹ ARY nisy lehilahy anankiray narary, dia Lazarosy avy any Betania, tanànan’i Maria sy Marta rahavaviny. ² Maria dia ilay nanosotra ny Tompo tamin’ny menaka manitra sy namaoka ny tongony tamin’ny volon-dohany, ary Lazarosy anadahiny no narary. ³ Ary izy mirahavavy dia naniraka tany amin’i Jesosy hanao hoe: Tompoko, indro, marary ilay tianao. ⁴ Ary rehefa ren’i Jesosy izany, dia hoy Izy: Tsy ho fahafatesana no anton’izany aretina izany, fa ny hampisehoana ny voninahitr’Andriamanitra, mba hankalazana ny Zanak’Andriamanitra. ⁵ Ary Jesosy tia an’i Marta sy ny rahavaviny ary Lazarosy. ⁶ Koa nony ren’i Jesosy fa narary Lazarosy, dia mbola nitoetra indroa andro teo amin’izay nitoerany ihany Izy. ⁷ Rehefa afaka izany, dia hoy Izy tamin’ny mpianatra: Andeha isika ho any Jodia indray. ⁸ Hoy ny mpianatra taminy: Raby ô, vao haingana teo no nitadiavan’ny Jiosy hitora-bato Anao, ka hankany indray va Hianao? ⁹ Jesosy namaly hoe: Tsy roa ambin’ny folo va ny ora amin’ny indray andro? Raha misy mandeha amin’ny antoandro, dia tsy mba tafintohina izy, fa mahita ny fahazavan’izao tontolo izao. ¹⁰ Fa raha misy kosa mandeha amin’ny alina, dia ho tafintohina izy, satria tsy misy mazava ao aminy. ¹¹ Izany no nolazainy; ary rehefa afaka izany, dia hoy Izy taminy: Matory Lazarosy sakaizantsika; fa handeha hamoha azy Aho. ¹² Dia hoy ny mpianatra taminy: Tompoko, raha matory izy, dia ho tsara ihany. ¹³ Nefa Jesosy nilaza ny fahafatesany; fa nataon’izy ireo kosa fa ny fialan-tsasatra amin’ny torimaso no nolazainy. ¹⁴ Ary tamin’izany Jesosy dia nilaza tsotra taminy hoe: Maty Lazarosy: ¹⁵ ary faly Aho noho ny aminareo, satria tsy teo Aho, mba hinoanareo; fa andeha isika hankany aminy. ¹⁶ Dia hoy Tomasy (izay atao hoe Didymo) tamin’ny mpianatra namany: Andeha koa isika mba hiara-maty aminy. ¹⁷ Ary nony tonga Jesosy, dia hitany fa efa nilevina hefarana izy. ¹⁸ Ary Betania dia tao akaikin’i Jerosalema, tokony ho dimy ambin’ny folo stadio no elanelany. ¹⁹ Ary maro tamin’ny Jiosy no efa tonga teo amin’i Marta sy Maria hitsapa alahelo azy noho ny amin’ny anadahiny. ²⁰ Ary Marta, raha nandre fa tamy Jesosy, dia nandeha nitsena Azy; fa Maria kosa nitoetra tao an-trano. ²¹ Ary hoy Marta tamin’i Jesosy: Tompoko, raha teto Hianao, dia tsy maty ny anadahiko. ²² Nefa fantatro fa na dia ankehitriny izao aza na inona na inona no hangatahinao amin’Andriamanitra dia homen’Andriamanitra Anao. ²³ Hoy Jesosy taminy: Hitsangana ny anadahinao. ²⁴ Fa hoy Marta taminy: Fantatro ihany fa hitsangana izy amin’ny fitsanganan’ny maty amin’ny andro farany. ²⁵ Hoy Jesosy taminy: Izaho no fananganana ny maty sy fiainana; izay mino Ahy, na dia maty aza, dia ho velona indray. ²⁶ Ary izay rehetra velona ka mino Ahy dia tsy ho faty mandrakizay. Mino izany va hianao? ²⁷ Hoy izy taminy: Eny, Tompoko; mino aho fa Hianao no Kristy, Zanak’Andriamanitra, Ilay ho tonga amin’izao tontolo izao. ²⁸ Ary rehefa nilaza izany izy, dia lasa nandeha ka niantso mangingina an’i Maria rahavaviny, nanao hoe: Tonga ny Mpampianatra ka miantso anao. ²⁹ Ary raha vao nandre izany Maria, dia nitsangana faingana izy ka nankeo aminy. ³⁰ Fa Jesosy tsy mbola tonga tao an-tanàna, fa mbola teo amin’ilay nitsenan’i Marta Azy ihany. ³¹ Ary ny Jiosy izay tao amin’i Maria tao an-trano ka nitsapa alahelo azy, raha nahita azy nitsangana faingana ka nivoaka, dia nanaraka azy, satria nataony fa nankany amin’ny fasana hitomany any izy. ³² Ary Maria, rehefa tonga teo amin’izay nitoeran’i Jesosy ka nahita Azy, dia niankohoka teo amin’ny tongony ka nanao taminy hoe: Tompoko, raha teto Hianao, dia tsy maty ny anadahiko. ³³ Ary Jesosy nony nahita azy nitomany sy ny Jiosy izay niaraka taminy nitomany koa, dia vonto ny fanahiny, ka toran-kovitra Izy; ³⁴ ary hoy Izy: Aiza moa no nandevenanareo azy? Dia hoy ireo taminy: Tompoko, andeha hizaha. ³⁵ Jesosy nitomany. ³⁶ Dia hoy ny Jiosy: Akory ity haben’ny fitiavany azy! ³⁷ Fa hoy ny sasany: Moa tsy hain’Ilehity, Izay nampahiratra ny mason’ilay jamba va, ny manao izay tsy ho nahafaty an-dralehilahy ity? ³⁸ Dia vonto indray ny fanahin’i Jesosy, ka nankeo amin’ny fasana Izy; ary zohy izany, sady nisy vato narindrina teo. ³⁹ Hoy Jesosy: Esory ny vato. Hoy Marta, anabavin’ny maty, taminy: Tompoko, maimbo izy izao, fa efa hefarana izay. ⁴⁰ Hoy Jesosy taminy: Tsy voalazako va fa raha hino hianao, dia ho hitanao ny voninahitr’Andriamanitra? ⁴¹ Dia nesoriny ny vato. Ary Jesosy dia nanandratra ny masony ka nanao hoe: Ray ô, misaotra Anao Aho, fa efa nihaino Ahy Hianao. ⁴² Raha Izaho, dia fantatro fa mihaino Ahy mandrakariva Hianao; fa noho ny vahoaka mitsangana manodidina no nilazako izany, mba hinoany fa Hianao no naniraka Ahy. ⁴³ Ary rehefa nanao izany teny izany Izy, dia niantso tamin’ny feo mahery hoe: Ry Lazarosy, mivoaha! ⁴⁴ Dia nivoaka ny maty nisy fehim-paty ny tànany sy ny tongony, sady voafehy mosara koa ny tavany. Hoy Jesosy tamin’ny olona: Vahao izy, ka avelao handeha.

1 Amin'izao fotoana, aoka hisy olona iray hitantara ity andalana ity amin'ny fiteniny manokana, toy ny hoe mitantara izany amin’ny namana mbola tsy nahare mihitsy. Ndeha ampiantsika izy ireo raha zavatra adinony na diso nampidiriny. Raha mitranga izany dia anontaniantsika izy hoe: “Aiza ao amin’ny tantara no ahitana izany?”

2 Inona no ampianarin'ity tantara ity antsika mikasika an'Andriamanitra, ny toetrany, ary izay ataony?

3 Inona no ampianarin'ity tantara antsika mikasika ny olombelona, ao anatin'izany koa ny tenantsika?

4 Ahoana no hampiharanao ny fahamarinana avy amin'ity tantara ity amin'ny fiainanao amin'ity herinandro ity? Inona no hetsika na zavatra manokana hataonao?

5 Iza no hizaranao ny fahamarinana avy amin'ny tantara alohan'ny hihaonantsika manaraka indray? Mahafantatra olona maniry ny hahafantatra ny tenin'Andriamanitra ato anatin'ity apps ity tahaka antsika ve ianao?

6 Eto am-pamaranana ny fivoriantsika, ndao hanapa-kevitra hoe rahoviana indray isika no mivory ary iza no hanentana ny fivoriantsika manaraka.

7 Mampahery anao mba hitadidy tsara ny zavatra nolaizanao fa hataonao, sy hamerina hihaino ny tantara alohan'ny andro hivoriantsika indray. Ny mpanentana dia afaka mizara ny tantara an-tsoratra na henoina amin'izay tsy manana izany. Raha handeha isika, ndao hangataka ny Tompo hanampy antsika.