1 ذ ك أومزورو إيخرق ربي أجنى ذ ثامورث ، 2 توغا ثامورث ثخرا ، توغا ثادجست خربحار، أروح نربي إيتحكوم خومان ، 3 إينا أربي أتيري ثفاوث أوشى ثضهارد ، 4 إيزرا بلي ثفاوث ثصباح أوشى إيفرق جار ثفاوث ذ تادجست ، 5 إيسمى ثفاوث" نهار" ثادجست إيسمايس "دجيرث"، توغا ذ نهار أمزوارو . 6 إينا أربي عاوذ : " أذيري مين غايبضان أمان خ ثناين ". 7 أوشى إيگا مين إيبضان جار ومان نناج ذ يني ن وادي.
8 إيسمى يني نناج "أجنى"، توغا ذ نهار ويس ثناين . 9 إينا أربي عاوذ :" أذمونن وامان إيدجان سوادي أوجنى ذگ إيجن أومشان ماحند أتضهار ثامورث". 10 أوشى إيسمى إيموشان إييوزغن "ثامورث" إيسمى ومان "ربحار". 11 إينا عاوذ :" أتسغمي ثامورث أربيع ذ رشجور". 12 ثسغميد ثامورث أربيع ذ رشجور. 13 توغا ذ نهار ويس ثراثا .
14 إينا أربي عاوذ : " أذيرينت ثيفاوين ذگ أوجنى حيمى أذبضانت نهار زي دجيرث
باش أذسبيننت رفرق جار ووسان ذ رشهور ذ إيسگوسى . 15 أو زگ أوجنى أذ أوشنت ثفاوث إ ثامورث ". 16 إيگا ثناين ثيفاوين تيمقرانين ، ثامقرانت " ثفويث" إيگ حكمن خنهار ثامزيانت " ثازري"إيگ حكمن خدجيرث أمش ديارني خاسنت أورا ذ يثران.
19 توغا ذ نهار ويس أربعا . 20 إينا أربي عاوذ : "أذكثارنت ذگ وامان ثيمسراين إييدارن ، أذضوان إيجضاض ذگ أوجنى سناج إ ثامورث ، 21 أوشى إيخرقد رحوايج نربحار ذ مارا مين إيدارن ذگ وامان على حساب مكور نوع ، أمن ديخرق عاوذ على مكور نوع إيجضاض . 22 إيباركيثن أربي إينا : " أروام ، ثكثارم ، ثعمارم ربحور ، أذكثارن إيجضاض خ ثامورث . 23 توغا ذ نهار ويس خمس .24 إينا أربي عاوذ : " أذيتوافغ زي ثامورث على مكور نوع ن الحيوان ذ روحوش". 25 أوشى إيگا مارا منايا.
© 2020 Awal n Arebbi ℗ 2008 Hosanna