صومعث ن بابل

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

​ 1 تُوْغَا قَاع يوْذَان ن ثْمُوْرْث غَارْسن ئِجّن ن لُّغَا وَاهَا ذ يِجّن ن وَاوَاڒ۔ 2 فّْغن-د زِي شَّارْق رُوْحن تْعزَّابن، ؤُفِين ئِجّن ن روْضَا ذِي ثْمُوْرْث ن شِنْعَار قِّيمن زدّْغن ذِنِّي۔ 3 نَّان جَارَاسن: "يَالَّاه أَ نݣّث ڒْقَاڒب اَذ يُوْوَا مْلِيح۔" نِثْنِي ذݣ وْمْشَان ن وزْرُو ݣِّين ڒْقَاڒب ذݣ ومْشَان ن ڒْبغْڒِي ݣِّين زّفْث۔ 4 نَّان: "يَالَّاه، أَنبْنَاث ئِجّن ن ثنْدِيْنْت إِ يِخف نّغ اَذَايس ثِيڒِي ئِجّن ن صُّومْعَث اَغَارس ثِيڒِي ثقِّيشِت ذݣ وجنَّا۔ أَمُّو أَنݣّْ ئِسم إِيِخف نّغ بَاش وَر نْتمْزدْجِيعْ شَا خ وُوْذم ن ثْمُوْرْث-أَ اَمن-ثكْمَاڒ۔" 5 ئِكَّر سِيذِي أَربِّـي ئِهْوَا-د حمَا اَذ ئِژَر ثَنْدِينْت نِّي ذ صُّومْعَث نِّي إِي بْنَان ثَارْوَا ن بْنَاذم۔ 6 ينَّا أَربِّـي: "أَقَا تْوَاڒِيم، يِـينَا ذ يجّن ن ڒْݣـنْس سَّاوَاڒن س يِجّن ن لُّغَا س مَارَّا إِذْسن اَقَا يَالَّاه بْذَان س مِين رزُّون اَذ ݣّن۔ وَر ذِنِّي بُو شَان ن ثْمسْڒَايْث إِي ذَاسن غَا يكّْسن مِين رزُّون اَذ ݣّن ذݣ وُوڒَاون نْسن۔ 7 يَالَّاه أَنهْوَا ذِنِّي حمَا أَنْسمْخُومْبڒ اَوَاڒ نْسن بَاش وَرفهّْمن شَا إِ لُّغَاث نْسن اَك جَارَاسن۔" 8 سّنِّي يسمْزدْجع-يثن سِيذِي أَربِّـي خ مَارَّا وذم ن دّنْيَا-يَا، أُشَا سْبدّن ڒبْنِي ن ثنْدِينْت-أَ۔ 9 س مَانَايَا مِينْزِي تْسمَّانت تَنْدِينْت نِّي ن بَابِل وَامِي يسمْخُومْبڒ ذِنِّي سِيذِي أَربّي لُّغَا نِّي ن مَارَّا دّنْيَا۔ سّنِّي عَاوذ إِݣ يسمْزدْجع أَربِّـي يوْذَان خ وُوْذم ن مَارَّا ثَمُوْرْث۔

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.