سيذنا براهيم إتيق ݣي أربي

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

1 إينا أربي إي سيذنى براهيم :" كار فغ زي ثمورث نش ، ثجذ رحباب نش ذ ثدارث نبابش، ثروحذ غار تمورث إيذاش غاسشنغ .2 أوشى أزيك گغ إيجن شعب إيمغار ، أوشى أشباركغ، أذسمغارغ إيسم نش أتيريذ ذ البركة إي حد نيضنيت. 3 أذبركغ أوشغ إيبركن، أذنعرغ أوشغ إينعرن ، أذتوابركن مارا رگنوس نثمورث ذي طوعث نش." 4 إيكار إيروح براهيم أمش توغا ثيومار أربي ، يوير أكيذس لوط. توغا سيذنى براهيم غارس خمس أوسبعين سنا أرمي إيفغ زي ثمورث "نحاران" . 5 يووي سيذنى براهيم أكيذس ثامغارث نس ، ذ لوط ميس نوماس ذ مارا أگرا إي توغا يجمع ذ مارا أو توغا أكيس إيتعيشن . أوشى فغن مارا روحن غار ثمورث نكنعان حتى أرمني غارس إيوذان . 6 لبدا سيذنى براهيم إيگور زگ أومشان غار أونيضنيت حتى أرمني إيوض غار طارف نثاندينتني أومي قارن" شاكيم"، مني توغا زدغن أيث "كنعان". 7 مشى أرمي ذ إيبد أربي غار سيذنى براهيم إيناس:" إيدواريث نش إيومي غا وشغ ثامورثا". أوشى إيبنى ذيني سيذنى براهيم إيجن رمذبح ذگ أومشان ماني غارس ذ إيبد سيذي ربي .

1 أوارني ثيمسراينا، إيبدد أربي غار براهيم إيناس :"وار تگواذشى أبرهيم نش قاحذيغاش ، أو رجار نش إيمغار سوطاس ". 2 يارد خس براهيم إيناس :" يا سيذي ربي ووخا رجار إنو إيمغار ، أو نش عاذ وار غاري بو إيحنجيرن ، أذي إيورث أوخدام إنو قارنس "أليعازر". 3 إيناس عاوذ :" أخدام نثادرث إنو نتا إيغايرين ذا وريث إنو رحقاش وار دي ثوشيذ بو دواريث." 4 يارد خس أربي إيناس:" وار إيدجي بوذوا إيشغا يوارثن ، مشى ميند غاثجاذ شك إيغايرين ذاوريث نش." 5 أوشى إيسوفغث أربي غار برا إيناس:" خزار غار أوجنى ثحسب إيثران مرا ثزمارذ." أومبعد إيناس :" أمو إيغا ثيري دواريث نش." 6 يومن سيذنى براهيم سأربي سلإييمان نس يارضا خس أربي.

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.