أحوري ن رعيذ أمقران ن آيث إيسرائيل

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

1 ذي ثمورث نمصر ، إينا سيذي ربي إ موسى ذ هارون : 2 " زي رخو أذيري شهرا نتا ذ أزدجيف نرشهور إيكنيو أوأذيري ذ شهار أمزوارو ن أوسگواس .3 سيورم غار مارا إيمعث نبني إسرائيل ثينيمسن :"مكور إيجن أذيطف ذي نهار عشرا ذي شهرا إيجن يزمر نيغ إيجن ييغيذ على حسب لعايله نس .

21 أومبعد إيسك موسى غار مارا إيمقرانن نبني إسرائيل إيناسن :"روحم ثيخضارم يزمر إ لعايله نوم ثغارسمس على حسب رعيذ . 22 أومبعد ثطفم أربيع نفرييو ثغطصمث ذگ إيذامن إيدجن ذگ أوبوقار ثروشم زايسن أمشان إيوعران نثواث ذ رضروف نس ، وار إيتفغ أورا ذي إيجن زايوام زي ثدارث نس حتى أرصباح . 23 رحقاش سيذي أربي أذ إيعذو سدجيرث باش أذينغ إيمصرين ، أخمي غايزار إيذامن خرضروف نثورا ذ جيهت نناج أذيك أذ إيعذو وار إيتجي بو ملاك الموت أذياذف ثوذرين نوام باش واركنيو إينق . 24 منايا إيخساس أذيقيم ذ الفريضة إيكنيو ذ ثاروا نوام إربدا . 25 أخمي غاثذفم ثمورث إيزي كنيو إيعهذ سيذي أربي أذاوم ثيوش إيخصا أتخذمم إلفريضيا . 26 رخدنيت أخمي كنغاسقسان إيحنجيرن نوام : مين ثخس أتيني لفريضيا إيكنيو ؟ 27 رخدنيت أخسن ثارم : نتاث ذ تضحيث نرعيذ نونجام زي رموث أرمي سيذي أربي إيكا يعذو خثوذرين نغ ذي مصرا رمي إينغى إيمصرين أو يسنجم لعايله نغ" . أوشى إيوضى شعب إيسجد غار ثمورث . 28 أوشى روحن بني إسرائيل گين مارا مينزي يومار سيذي أربي موسى ذ هارون . 29 غار روسط ندجيرث إيكار إينغى سيذي أربي مارا إيمنزا نثمورث نمصرا ، زگ أومنزو نفيرعون إيدجن خالعرش أر أمنزو أونحبوس إيدجن ذي رحبس ذ مارا إيمنزا نركسيبث .30 إيكار إيفق فيرعون سدجيرث نتا ذ رحوكام نس ذ مارا إيمصرين ، ثكثار ثغويث تامقرانت ذي ثمورث نمصرا رحقاش وارثقيم أورا ذي إيجن ثدارث وارذايس بورموث . 31 إيسك فيرعون سدجيرث غار موسى ذ هارون إيناسن :" كارم فغم زي روسط نشعب إينو ، فغم كنيو ذ بني إسرائيل مارا ، روحم أتعبذم أربي على حسب ممش زاي ثتارم .

40 توغا زدغن بني إسرائيل ذي مصرا أربعميا أوثراثين سنة . 41 ذي نهار أمگارو بداث زي أربعميا أوثراثين سنة فغن مارا ثيقبرين نبني إسرائيل زي ثمورث نمصرا . 42 توغا ذ إيجن دجيرث تامقرانت غار سيذي أربي رحقاش ذايس إيدي إيسوفغ بني إسرائيل زي ثمورث نمصرا أذشكارن بني إسرائيل سيذي أربي خدجيرثني زي الجيل غار أونيضنيت .

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.