عشرة ن روصياث ذ دبيحث

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

1 أوشى إيسيور أربي سمارا سواورنا : 2 نش ذ أربي الإله نش إيش د إيسوفغن زي ثمورث نمصرا ماني إيش توغا ذ إيسمغ . 3 وار عبذ بو الألهه نيضنيت إلا نش . 4 وار تگ بو الأصنام . وار تگ تصويرث إمين إيدجن ذگ أوجنى ذمين ذايس سناج نثمورث ذمين ذايس ذگ ومان سوادي نثمورث . 5 وار ذاسن تسجادشى وار ثنعبذشى . رحقاش نش سيذي أربي الأله نش . وار خسغشى أتعبذذ شان الأله نيضنيت برا زاي . تعقبغ إيحنجيرن خدنوب إيگين الوالدين نسن ذ الوالدين نلوالدين نسن زي يني ذاي إيشرهن . 6 تگغ رخير ذي روروف نالأجيال زي يني ذاي تخسن ذيني طاعن روصياث إينو . 7 وار نقشى ذي رباطر إيسم نسيذي أربي الأله نش ، رحقاش سيذي أربي إيتعاقب وني إينطقن سإيسم نس . 8 وار خدمشى ذي نهار نسبت نهار نرتوح حمى أذيري ذنهار أمقداس . 9 ستيام إيغا ثخذمذ ، أگ مارا شغوراث نش . 10 مشى نهار نسبت نهار نرتوح نسيذي أربي الأله نش ، وار ذايس خدمشى شك ، مميش ، يدجيش ، إيسمغ نش ، ثاخدانت نش ، نيغ ربهايم نش ، نيغ ربارني إيكش إيدجن. 11رحقاش سيذي أربي إيگا أجنى ذثمورث ذربحار ذمارا مين ذايس ذي ستيام أوشى يرتاح ذي نهار نسبت . سويني إيبارك سيذي أربي نهار نسبت ، إيگيث أمقداس . 12 ووقار بابش ذ يماش حمى أذيرين وسان نش ذي ثمورث ذيزيران ، إيغاش يوش سيذي أربي الأله نش 13 وارنقشى . 14 وارزنى شى ، 15 وارتشارشى ، 16 وارشهذ بوزور خواجار نش . 17 وار عشقشى ذي ثامغارث نواجار نش ، نيغ ثدارث نس ، نيغ إيسمغ نس ، نيغ ثاخدانت نس ، نيغ إيفوناسن نس ، نيغ إيغيورن نس ، نيغ شان رحاجث نس .

1 سِيذِي أَربِّـي ئِسِّيوڒ اَك مُوْسَى ينَّاٱس: 2 "أَمَّا ونِّي يعصَّان ئِتْضِيَّاع ئِجّن ن تِّقث اَك أَربِّـي يعْنِي ئِخدّع اَجَّار نّس خ يِجّن ن لْأَمَانَا نِغ خ يِجّن ن ضَّمَانَا نِغ ئِتَاشَاريث نِغ ئِضدْجميث 3 نِغ ئِسْنُوْفَّار خَاس ئِجّن ن ثْمسْڒَايْث ثْودَّار-اَس ئِسْخَرِّيق خَاس نِغ ئِتشْهَاذ خَاس ژُّور نِغ ذ مَارَّا مِين تݣّن يِوْذَان عصَّان أَربِّـي زِي ثْمسْڒَايِين نِّي۔ 4 وَامِي يعْصَا أَربِّـي اَذ ئِتُوْبْ خ مِين يݣَّا ئِتخصَّا-ث اَذ د يَارّْ مِين ذَاس يُوْشَار نِغ ذ مِين ذَاس ئِـيْسِي س وْضْڒَام نِّي نِغ ذ لْأَمَانَا نِّي نِغ ذ مِين تُوْغَا ذَاس ئِودَّارن ئِسْنُوفَّاريث خَاس، 5 نِغ اَيِّـي ثَمسْڒَايْث ئِتشْهَاذ خَاس ژُّور ئِتْخصَّاث اَذ د يَارّْ مَارَّا مَانَاينِّي اَذ يَارْنِي اَكِذس ثَخمَّاسْث اَذ يُوشْ مَانَاينِّي مَارَّا إِ بَاب نّس نْهَار نِّي إِي غَا يْرَاح اَذ ئِقدّم دْبِيحث إِ يِخف نّس۔ 6 ئِتْخصَّاث اَذئِخدْجس اَبْرُوْصِي اَث يَاوِي غَار ڒفْقِي يعْنِي غَار سِيذِي أَربِّـي ئِجّن ن صّذْقث خ تُّوْبَا نّس يعْنِي ئِج وْحُوْڒِي زِي ثْحِمَارْث نّس بْڒَا ڒْعِيب نِغ ذ مِين ئِسوَّا۔ 7 أَمُّو ڒفْقِي نِّي اَخَاس ئِخدْجس لْفِدْيَا زَّاث ن سِيذِي أَربِّـي اَذَاس ئِغْفَر مَارَّا ثِمسْڒَايِين نِّي مِيخف ئِتُوْب۔

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.