13 أَقَا ڒْعَبْذ ئِنُو س ڒفْهَامث أَذئِخْذم،
نتَّا يُوعْڒَا اَذ ئِتْوَاسْبدّْ اَث سمْغَارن ۔
14 مشْحَاڒ ذ يِوْذَان إِي ذَايش ئِتْعجّْبن !
سخْسَرن ؤُذم نّس وَر د ئِظهَّار اَم وُوْذم ن بْنَاذم ؛
صِّفث نّس محّْننتث وَر د تْبِـين اَم صِّفث ن يِوْذَان ۔
15 أَمُّو نتَّا اَذ ئِسّذْهش اَطَّاس ن ڒݣْـنُوس ن مِدّن ۔
عْلَاحْسَاب نتَّا اَذ بلّْعن ئِزدْجِيذن ئِقمُّومن نْسن ،
مِين وَر ذَاسن نِّين شَا نِثْنِي اَث ژَرن ،
مِين وَر تسْڒِين شَا نِثْنِي اَث فهْمن ۔
1 وي يومنن سووار نغ ، وي ذاس ديضهارن جهذ نوفوس نسيذي أربي ؟ 2 نتا إيمغار زاث إ أربي أمشنو إيجن أربيع ، أمشنو أزوار ذي ثمورث ثوزغ . وار ذايس لا زين نيغ رهيمث حمى أذايس نخزار ، وار ديضهار بو ذاصبحان حمى أثنشهى . 3 إيوذان حگارنث ، عيفنث ، إيحزن أطاس ، إينوم أكذ رحريق . نحگاريث وارذاس نوشي بولقيمة ، نسضار ثيطاوين نغ حمى وارثنتويري . 4 مشى إيسي خنغ رهرشاث نغ ، إيسي خنغ رحزنث نغ ، نشين تغيرانغ سيذي أربي إيعاقبيث ، يوثيث ، أيعدبيث . 5 إيتواجرح ذي سباب ن رموعصياث نغ ، إيتواربز ذي سباب ندنوب نغ ، نتا إيتواعقب حمى نشين أنيري ذي رهنا ، أوشى نگانفى ذي سباب نإيجارحن نس . 6 نشين مارا نودار أمشناو إيحورين ، كور إيجن إيضفار أبريذ نس . سيذي أربي إيگا خس دنوب نغ نشين مارا .
7 إيتواضرم ، إيتوعدب ، وار إيرزم أقموم نس أمشنو إيزمار وامي ثتاوين أذاس غارسن ، أمشنو ثيخسي وامي ثسقار زاث إيني إيترسن ثاذوفت ،أمو وار إيرزم أقموم نس . 8 ضرمنث حكمن خس ، أوينث ماني دجان دواريث نس ؟ ثوذارث نس تواكس خثمورث . إيشى أعموذ ذي سباب نرموعصياث نرقوم إينو . 9 گينث ذگ أونضر أكذ ييني ذي إيدجا شر ، إيموث أكذ تواجار ، ووخى وار إيضرم حد ، ووخى وارذايس بو إيخرويضن قاع . 10 سيذي أربي إيربزيث أكذ رخريق نس . وامي إيقدم ثوذارث نس ذ تضحياث ، أذيزار دواريث نس ، أذ إيعيش أطاس نوسان ، زايس أذيتواكمر رخضار نسيذي أربي . 11 منبعد إيرعذاب نس ، أذيتوارا نور نثوذارث ، أذيفارح ، سرفهامث نس ، رعبذ إينو إيدجان نيشان أذيار أطاس نإيوذان نيشان ، مينزي أخسن إيسي دنوب نسن . 12 خمانيا أذاس أوشغ أمشان جار إيني إيمغارن ، أذ إيفارق أگرا جار إيني إيجهذن ، مينزي إيضحى سثوذارث نس سرموث ، إيتواحساب أكذ إيني إيعصان ، إيسي رموعصياث نإينغنيت ، إيتار إ أربي خ إيني إيعصان .
© 2020 Awal n Arebbi ℗ 2008 Hosanna