أمسنجم نغ إيزي ذانغ إيواعذ أربي

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

1 إِنَّمَا، يِنِّي تُوغَا ئِتْوَازيَّارن وَر ذَايْسن تْغِيمِي شَا ثُوبرْشَانْتأَ عَاذ۔ ذݣ وُوْسَّان ن يعْذُوْن أَربِّـي ئِسحْقَار تَمُوْرْث ن أَيث زَفُلُون ذ أَيث نَفْتَالِي، ذݣ وُوْسَّان ئِنݣُّورَا اَذ ئِسمْغَار ثَمُوْرْث ن جَلِيل مَانِي دْجَان ڒݣْـنُوس خ وبْرِيذ نِّي ن ڒبْحَر ذِي شَّرْق ن يِغْزَار ن لْأُرْدُون ۔ 2 قَا شَّعْب نِّي إِݣ يݣُّورن ذِي ثَادْجسْث ، ژْرِين ئِجّن ن ثْفَاوْث ذ ثَمقّْرَانْت ؛ يِنِّي إِݣ ئِزدّْغن ذݣ يِجّن ن ثْمُوْرْث ن ثُوبرْشَانْت ، ئِجّن ن نُّور ئِمظْهَاراَسن-د ۔ 3 شك ثَرْنِيذ خ شَّعْب-أَ ثْزَايْذذ-اَسن ڒفْرَاحث ؛ تْفَاجَان زَّاثش مَامْش فَرّْحن س لْغِيلَّا ن ثْفدْجَاحْث ؛ فَرّْحن مَامْش فَرّْقن ڒْعَسْكَار ثَحوَّاسْث ۔ 4 أقَا ثْزَايْڒُوت نِّي إِي خَاسن ئِذقْڒن ، ذ وكشُّوْض نِّي إِي غَارْسن خ يعْرُورن ، ذ وعْمُوْذ نِّي ن ونِّي إِي ثن ئِضدْجْمن ، شك ثَرْزِيذ-ثن اَم نْهَار نِّي ن أَيث-مِدْيَان ۔ 5 أَقَا مَارَّا يهَرْكُوْسن نِّي ن يعَسْكَارِيّن إِݣ ئِتݣّن سّْدَاع عجّْنن زَّايْسن ، أُو ذ مَارَّا اَرُّوض نْسن ئِتْوَانفْسن س يذَامّن ، أَذ ئِڒِين ذ يكشُّوضن ذِي ثْمسِّي اَذ تْوَاحرّْقن ۔ 6 مِينْزِي اَذَانغ د ئِتْوَاخْڒق ئِجّن ن وْسيْمِي ، أَذَانغ د ئِمُّوش مِّيثْنغ إِ نشِّين ، خ ثغْرُوط نّس ڒْمُلْك اَخَاس يِـيڒِي ۔ س يِسم نّس اَذَاس ئِـنِين : لْمُسْتَشَار ئِسْتُوعجُّوبن ذ أَربِّـيثْنغ يجهْذن ، ذ بَابَاثْنغ ئِتْدُومَان ذ لْأَمِير ن سَّلَام ۔ 7 ڒْمُلْك نّس ذ سَّلَام مشْحَاڒ غَا مْغَارن ! نِثْنِي عمَّارْص اَذ فْنَان۔ خ ڒْعَرْش ن دَاود اَخَاس ئِحْكم ، خ لْممْلَاكَا نّس اَخَاس ئِتحْكَام ۔ أَت يݣّْ اَت ئِسْبدّْ س ڒْحَقّْ ذ مِين ئِدْجَان نِيشَان ، زِي سّنِّي اَڒ ثْسَاونْت إِ ڒبْذَا ذ دَائِمَان ۔ ذ لْوَجِب ن سِيذِي أَربِّـي ن يعَسْكَارِيّن إِي غَا يݣّن اَمّن ۔

²⁶ إِلِيزَابت وَامِي ثدْجَا ذِي شْهَار وِيس ستَّا، ئِسّكّ-د أَربِّـي يجّن ن لْمَلَاك قَّارن-اَس جِبْرِيل غَار يِجّن ن وبِيلَاج ذِي ثْمُوْرْث ن لْجَلِيل قَّارْن-اَس نَاصِرَا. ²⁷ ئِرُوْح غَار يِجّن ن ثعْزْرِيث قَّارن-اَس مَرْيَم ثنِّي إِي كذ يݣَّا زُّوْجِيَا يجّن ن ورْيَاز زِي دُّوْرِّيث ن دَاود نتَّا قَّارن-اَس يُوْسف. ²⁸ يُوْذف غَارس لْمَلَاك نِّي ينَّا-ٱس: "آزُوْل يَا ثنِّي إِي خف يرْضَا أَربِّـي، أَقَا سِيذِي أَربِّـي اَقَاث اَكِذم." ²⁹ ذِنِّي مَرْيَم ثْنخْڒع وَامِي ثسْڒَا إِ وَاوَاڒن نّس. ثْرزُّو اَذ تْميّز مِين يعْنَا سْڒَام نِّي؟ ³⁰ ينَّا-ٱس لْمَلَاك نِّي: "وَار تݣّْوذ شَا آ مَرْيَم، أَقَا شم يَارْضَا خَام أَربِّـي! ³¹ أَذ تيْسِيذ اَعدِّيس، أَذ د تجّذ يجّن ن وحنْجِير اَث تْسمِّيذ عِيْسَى. ³² أَذ يِيڒِي يمْغَر، أَتَاف تْڒَغَان-اَس آ مِّيس ن ونِّي يُوْعْڒَان. أَذَاس يُوْش سِيذِي أَربِّـي نّس لْعَرْش ن جدِّيس اَمقّْرَان دَاود. ³³ أَذ يحْكم خ ڒْقُم ن يَعْقُوْب إِ ڒبْدَا، ڒْمُلْك نّس عمَّارْص اَذ يفْنَا." ³⁴ ثنَّا-ٱس مَرْيَم إِ لْمَلَاك نِّي: "مَامّش إِي غَا يِيڒِي مَانَايَا؟ أَقَا نش عَاذ ذ ثَعْزْرِيث." ³⁵ ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي. ³⁶ إِلِيزَابت ثنِّي يدْجَان زِي ڒحْبَاب نّم، وَاخَّا نتَّاث ثمْغَار اَقَات س وعدِّيس. أَقَات ذِي شْهَار وِيس ستَّا وَاخَّا تْڒَغَان-اَس يِوْذَان آ ثنِّي وَار يتِيرْون شَا. ³⁷ وَار ثدْجِي بُو شَان ڒْحَاجث ثقْسح غَار أَربِّـي." ³⁸ ثنَّا-ٱس مَرْيَم: "نش اَقَايِي ذ ثَخدَّانْت غَار سِيذِي أَربِّـي، أَرْضِيغ خ وَاوَاڒ نّش اَذَايِي يوْقع." سّنِّي يرُوْح خَاس لْمَلَاك نِّي.

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.