إوذان تجوابن أربي إيج أميا إيج أميا

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ نْهَار نِّي، ئِفّغ عِيْسَى زِي ثدَّارْث يقِّيم طَّارْف ن ڒبْحَر. ² مُوْنن-د خَاس اَطَّاس ن ڒْغَاشِي. س زْحَامث نِّي يرُوْح ينْيَا ذݣ يِجّن ن ثْغَرَّابُوْت يقِّيم ذَايس. ئِوْذَان قِّيمن مَارَّا خ شّطّ ن ڒبْحَر. ³ ئِقَّار-اَسن اَطَّاس ن ثْمسْڒَايِين س ڒمْعَانِي ينَّا-ٱسن: "صنّْطث! ئِفّغ وفدْجَاح اَذ يزْرع. ⁴ وَامِي يزرّع، ثوْضَا-يَاس شَان زَّرِّيعث خ طَّارْف ن وبْرِيذ، ؤُسِين-د يجْضَاض شِّين-تث. ⁵ شَان زَّرِّيعث ثوْضَا-يَاس جَار يِزْرَا وَار ذِنِّي بُو شَاڒ اَطَّاس. ثغْمِي-د ذغْيَا ڒَاحقَّاش وَار ثُوْدْجِيغ شَا ذِي ثْمُوْرْث اَطَّاس. ⁶ وَلَكِن وَامِي ثْسُوْمَّر ثْفُوْشْت، ثْنزْڒف ڒخْدّنِّي ثِيْسْرَاو ڒَاحقَّاش يࢲوْرَان نّس وَار ؤُوْثِين شَا غَار ڒَادْجغ ن ثْمُوْرْث. ⁷ شَان زَّرِّيعث ثوْضَا جَار يسنَّانن. غْمِين-د اَكِس يسنَّانن نِّي جيّْفن-تث. ⁸ وَلَكِن شَان زَّرِّيعث ثوْضَا خ ثْمُوْرْث ثَصبْحَانْت، ثݣَّا ثِيْذرِين. ڒبْعَاض ݣِّينْت مِيَّا، ڒبْعَاض ݣِّينْت ستِّين، ڒبْعَاض ݣِّينْت ثْڒَاثِين. ⁹ صنّط مْلِيح آ ونِّي يتْسْڒَان."

¹⁸ إِيوَا صنّْطث ڒْمَعْنَا ن وفدْجَاح نِّي يزرّْعن. ¹⁹ ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ. ²⁰ زَّرِّيعث نِّي إِݣ يوْضَان جَار يِزْرَا نتَّاث اَم شَان بْنَاذم إِݣ يتْسْڒَان إِ وَاوَاڒ ن أَربِّـي يقْبڒ-يث س ڒفْرَاحث. ²¹ وَامِي وَار يُوْوْثِي بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا يتفّغ اَبْرِيذ. ²² زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا. ²³ وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم شَان بْنَاذم إِݣ يتْسْڒَان إِ وَاوَاڒ ن أَربِّـي، ئِفهّم-اَس يتَارو. ئِجّن يتَارو مِيَّا، ئِجّن ستِّين، ئِجّن ثْڒَاثِين."

⁴⁴ ڒْمُلْك وجنَّا اَمشْنَاو يجّن ن ڒْكنْز يخْزن ذِي شَان ومَرْجع، يُوْفِي-ث شَان حَدّ يعَاوذ يسْنُوْفَّر-يث. أُوْشَا س ڒفْرَاحث نِّي إِي ذَايس، يزّنْز مَارَّا مِين غَارس يسْغَا اَمَرْجع نِّي. ⁴⁵ ڒْمُلْك وجنَّا اَمشْنَاو يجّن ن تَّاجَر إِي يرزُّو خ جُّوْهَر اَصبْحَان. ⁴⁶ وَامِي يُوْفَا يجّن ن جُّوْهَر يغْڒَان، ئِزّنْز مَارَّا مِين غَارس يسْغِي-ث.

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.