مين إخس اذاك يوش سذيثنغ عيسى، مين يرزو زاݣك؟

1 زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

2 مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

3 مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

4 مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

5 ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

6 أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

7 نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

8 روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ "ئِتْخصَّا كنِّيو وَار تْخيِّيقن شَا وُوْڒَاون نْوم. أَمْنث زِي أَربِّـي، أَمْنث عَاوذ زَّايي. ² ثَدَّارْث ن بَابَا ذَايس اَطَّاس ن يخَّامن. مَعْلِيك وَار يدْجِي شَا اَمنِّي، إِڒِي نِّيغ-اَوم-ت. أَذ رَاحغ نش اَذَاوم سْوجْذغ اَمشَان. ³ خْمِي غَا رَاحغ اَذَاوم سْوجْذغ اَمشَان نِّي، أَذ د ذوْڒغ عَاوذ اَكنِّيو يْسِيغ اَكِذِي حمَا اَذ تِيڒِيم كنِّيو مَانِي غَا يڒِيغ نش. ⁴ مَانِي غَا رَاحغ ثسّْنم اَبْرِيذ." ⁵ ينَّا-ٱس تُوْمَا: "آ سِيذِي، وَار نسِّين شَا مَانِي غَا ثْرَاحذ، مَامّش غَا نسّن اَبْرِيذ؟" ⁶ ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي. ⁷ مڒَا ثسّْنم-اَيِي، أَتَاف اَذ تسّْنم ؤُڒَا ذ بَابَا عَاوذ. قَا ڒخُّو ثسّْنم-ث ثࢲْرِيم-ث."

²³ ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ. ²⁴ ونِّي وَار ذَايِي يتْحِبِّين، أَتَاف وَار يخدّم شَا زݣ وَاوَاڒ ينُو. أَوَاڒن-أَ إِي تسْڒَام وَار دْجِين شَا ينُو لَّا، ن بَابَا إِي ذَايِي-د يسّكّن. ²⁵ ثِمسْڒَايِين-أَ نِّيغ-اَوم-ثنْت أُو نش عَاذ اَقَايِي اَكِذْوم. ²⁶ لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ. ²⁷ تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

1 روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

2 مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

3 مين نرمذ خ إيوذان، زاݣسن إيخفنغ، زݣي ثيغوريا؟

4 موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

5 مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

6 ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

7 نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.