¹⁶ نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن. ¹⁷ حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن. ¹⁸ أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس. ¹⁹ خْمِي كنِّيو غَا سلّْمن، بْڒَا مَا ٱذ تيْسِيم اَمْنُوْس ذِي ڒَعْقُوْڒَاث نْوم مِين غَا ثِينِيم نِغ ذ مَامّش إِي غَا ثسِّيوْڒم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي. ²⁰ وَار يدْجِي بُو ذ كنِّيو إِي غَا يسِّيوْڒن؛ لَّا، ذ أَرُّوْح ن بَابَاثْوم إِي غَا يسِّيوْڒن ذݣ ومْشَان نْوم. ²¹ ؤُمَاس اَذ يسلّم ؤُمَاس إِ ڒْموْث. بَابَاس اَذ يسلّم مِّيس. ثَارْوَا اَذ رَاحن ضد لْوَالِيدِين نْسن، أَثن سلّْمن إِ يِنِّي إِي ثن غَا نْغن. ²² أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.
© 2020 Awal n Arebbi ℗ 2008 Hosanna