إيمحضارن تْسَامَاحْنْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

³⁶ ئِج وفَرِّسِي يعَرض عِيْسَى حمَا اَذ يشّ اَكِذس. يُوْذف غَار ثدَّارْث ن وفَرِّسِي نِّي يقِّيم غَار مِيسَّا. ³⁷ ذِنِّي ذݣ وبِيلَاج نِّي يجّن ن ثمْغَارْث ثْعصَّا. ثَارَّا-د ڒخْبَار عِيْسَى يقِّيم اَذ يشّ ذِي ثدَّارْث ن وفَرِّسِي نِّي، ثُوْسَا-د نتَّاث غَارس يجّن ن ثْزيَّات ذَايس اَمَان ن لْوَرْذ. ³⁸ ثقِّيم غَار ذفَّار ن عِيْسَى غَار يضَارن نّس ثبْذَا ثتْرُو وْضَان-اَس يمطَّاون نّس خ يضَارن ن عِيْسَى. ثْرُوْح ثمْسح-يثن س وشوَّاف نّس، ثْسدْجم-يثن ثذْهن-يثن س وَامَان ن لْوَرْذ. ³⁹ أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي. ⁴⁰ ئِنْدق-د عِيْسَى ينَّا-ٱس: "آ سِمْعَان، غَارِي يج ن ڒْحَاجث اَذَاش ت ينِيغ." ينَّا-ٱس سِمْعَان: "سِّيوڒ آ لْمُعَلِّم." ⁴¹ "ذِنِّي يجّن ن سِّيّد يرْضڒ تْمنْيَاث إِ ثْنَاين ن يِوْذَان. ئِجّن يرْضڒ-اَس خمْسْمِيَّا دِينَار، ئِجّن يرْضڒ-اَس خمْسِين دِينَار. ⁴² وَلَكِن وَار غَارْسن مِينْزِي غَا اَرّن، صَافِي سِّيّد نِّي يسْمح-اَسن مَارَّا. إِن-اَيِي شك: مَانْون إِي ث غَا يحِبّن اَطَّاس؟" ⁴³ ينَّا-ٱس سِمْعَان: "يمْكن ونِّي ؤُمي يسْمح ذݣ وَاطَّاس ن ومَرْوَاس." ينَّا-ٱس عِيْسَى: "غَارك ڒْحَقّ." ⁴⁴ ئِنقْڒب غَار ثمْغَارْث نِّي ينَّا-ٱس إِ سِمْعَان: "أَقَا تْوَاڒِيذ ثَمْغَارْث-أَ؟ ؤُسِيغ-د غَار ثدَّارْث نّش وَار ذَايِي د ثُوْوِيذ شك ؤُڒَا ذ اَمَان إِي زِي غَا سِيرْذغ يضَارن ينُو. نتَّاث ثْسِيرذ-اَيِي يضَارن ينُو س يمطَّاون نّس ثمْسح-يثن س وشوَّاف نّس. ⁴⁵ شك وَار خَافِي ثْسدْجْمذ شَا. زݣ وَامِي د ؤُسِيغ نتَّاث ثْسدْجَام-اَيِي يضَارن ينُو. ⁴⁶ شك وَار ذَايِي ثذْهِينذ اَزدْجِيف ؤُڒَا س زّشْت. نتَّاث ثذْهن-اَيِي يضَارن ينُو س وَامَان ن لْوَرْذ. ⁴⁷ خ مَانَايَا اَذَاش ينِيغ، ڒْمُعْصِيَاث نِّي إِي ثݣَّا اَطَّاس تْوَاغْفَرنْت-اَس مِينْزِي نتَّاث ذَايس ڒمْحِبّث اَطَّاس. ونِّي ؤُمِي تْوَاغْفَرنْت ڒْمُعْصِيَاث ذْرُوْس، نتَّا ذَايس ڒمْحِبّث ذْرُوْس." ⁴⁸ ينَّا-ٱس إِ ثمْغَارْث نِّي: "ڒْمُعْصِيَاث نّمْ تْوَاغْفَرنْت-اَم." ⁴⁹ بْذَان يِنِّي إِي كِس يقِّيمن قَّارن إِ وَايَاوْيَا: "مِين يعْنَا وَانِيتَا إِݣ يغْفَرن ڒْمُعْصِيَاث-أَ؟" ⁵⁰ ينَّا-ٱس عِيْسَى إِ ثمْغَارْث نِّي: "شم يسنْجم-يشم لْإِيمَان نّم، رُوْح ذِي ڒهْنَا."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.