إيمحضَارنْ طفانْ ذي سيذنا عيسى ذايسن لْغيلاّ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ "نش ذ ثْزَايَارْث وضِيڒ ذ صَّح. بَابَا ذ بَاب ن ثْزَايَارْث وضِيڒ. ² كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي. ³ كنِّيو ذ يمنْقَاوِيْين ذݣ وسڒْمذ إِي ذَاوم نِّيغ. ⁴ قِّيمث ذَايِي، نش اَذ قِّيمغ ذَايْوم. أَمشْنَاو اَكشُّوْض نِّي وَار يزمَّر اَذ يَارو يزكُّوْنن زݣ يِيخف نّس إِلَّا مڒَا يقِّيم ذِي ثْزَايَارْث، ؤُڒَا ذ كنِّيو وَار ثْزمَّرم شَا إِلَّا مڒَا ثقِّيمم ذَايِي. ⁵ نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو. ⁶ مڒَا شَان يِجّن وَار يقِّيم شَا ذَايِي، أَتَاف اَذ يمنْضَار غَار بَرَّا اَمشْنَاو يكشُّوْضن يُوزْغن، أَثن سْمُوْنن اَثن ݣّن ذِي ثْمسِّي اَذ شمْضن. ⁷ مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي. ⁸ أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا. ⁹ نش تْحِبِّيغ-كنِّيو اَمشْنَاو مَامش ذَايِي يتْحِبَّا بَابَا. إِڒِيث ذِي ڒمْحِبّث ينُو. ¹⁰ مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس. ¹¹ نِّيغ-أَوم مَانَايَا حمَا اَذ تِيڒِي ذَايْوم ڒفْرَاحث ينُو، حمَا اَذ تِيڒِي ڒفْرَاحث نْوم ثْعمَّر. ¹² ڒُوْصِيّث ينُو ذ ثَانِيتَا: <حِبّث اَيَاوْيَا مَامّش كنِّيو تْحِبِّيغ نش.> ¹³ وَار ذِنِّي بُو ڒمْحِبّث كْتَار زِي ثنِّي ن بْنَاذم اَذ يصدّق ثُوْذَارْث نّس عْلَاحْسَاب يمدُّوْكَاڒ نّس. ¹⁴ مڒَا تݣّم ڒُوْصِيَاث ينُو، أَتَاف كنِّيو ذ يمدُّوْكَاڒ ينُو. ¹⁵ وَار يقِّيم عَاذ اَذَاوم سمِّيغ يخدَّامن مِينْزِي اَخدَّام وَار يسِّين شَا مِين يتݣّ ؤُوقَّاف نّس. كنِّيو اَذَاوم سمِّيغ يمدُّوْكَاڒ ينُو مِينْزِي نِّيغ-اَوم مَارَّا مِين سْڒِيغ زِي بَابَا. ¹⁶ مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو. ¹⁷ ذ ثَا ذ ڒُوْصِيّث ينُو، يعْنِي اَذ تْحِبّم اَيَاوْيَا.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.