إيمحضَارنْ أوزمارنْش أذنْفاقنْ خرْمحبث نْسيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

²⁶ فَا اَمُّو اَرُّوْح يقدّْسن يتْعَاوَان-اَنغ ذِي ضُّعف نّغ. نشِّين وَار نسِّين شَا مْلِيح مِينْخف غَا نࢲَّادْج، وَلَكِن اَرُّوْح يقدّْسن س يِيخف نّس يتْطَلَاب-اَس إِ أَربِّـي خ سَّبَاب نّغ س ونْهَاك وَار يتْسمِيعن. ²⁷ ثُمَّا أَربِّـي نتَّا يتْوَاڒَان مِين يدْجَان ذݣ وُوْڒَاون ن بْنَاذم، ئِسّن مِين يتخْس اَرُّوْح يقدّْسن. لِأَنَّا اَرُّوْح عْلَاحْسَاب ڒْخَاضَر ن أَربِّـي يتْطَلَاب خ ڒْمُوْمِنِين صَّالِحِين. ²⁸ فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس. ²⁹ لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس. ³⁰ ثُمَّا يِنِّي إِي تُوْغَا يزمّم زِي قْبڒ، ئِڒَاغَا-د خَاسن. ثُمَّا يِنِّي ؤُمِي د يڒَاغَا، ئِسمْصْڒَاح-يثن اَكِذس. ثُمَّا يِنِّي يسمْصْڒَاح اَكِذس، يُوْشَا-اَسن اَمْشَان ذِي لْعَظَمَا نّس. ³¹ إِيوَا، مِين غَا نِينِي منْبَعْد إِ مَارَّا مَانَايَا؟ مڒَا أَربِّـي اَقَاث اَكِذْنغ، ؤُو يزمَّرن اَذ يِيڒِي ضد نّغ؟ ³² سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟ ³³ وِي يزمَّرن اَذ يتَاهم يِنِّي إِي يخْضَر أَربِّـي؟ ؤُڒَا ذ يجّن! أَربِّـي س يِيخف نّس نتَّا إِݣ يسمْصْڒَاحن اَكِذس يوْذَان. ³⁴ وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ. ³⁵ وِي ذَانغ غَا يعزْڒن زِي ڒمْحِبّث ن لْمَسِيح؟ ؤُڒَا ذ يجّن! ڒَا ذ اَزيَّار، ڒَا ذ تَمَارَا، ڒَا ذ اَعدّب، ڒَا ذ بُوْهيُّوْف، ڒَا ذ ثُوْعَرْيَانْت، ڒَا ذ لْخَطَر، ؤُڒَا ذ سِّيف. ³⁶ مَامّش يقَّار لْكِتَاب: <نشِّين خ سَّبَاب نّش شك نتْوَاجَاه ڒْموْث نْهَار يكْمَاڒ. نشِّين نتْوَاحْسَاب اَمشْنَاو يحُوْڒِيْين ؤُمِي غَا غَرْصن.> ³⁷ وَلَكِن ذِي مَارَّا مَانَايَا نشِّين نتْوَاحْسَاب كْتَار زِي لْأَبْطَال خ وفُوْس ن ونِّي إِي ذَانغ يخْسن. ³⁸⁻³⁹ أَقَا نش متْأَكّد بلِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن وَار ثْزمَّر اَذَانغ ثعْزڒ زِي ڒمْحِبّث ن أَربِّـي إِي د يمظْهَارن ذِي سِيذِيثْنغ عِيْسَى لْمَسِيح: ڒَا ذ ڒْموْث، ڒَا ذ ثُوْذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُوْن، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُوْدْجْغن، ؤُڒَا ذ شَا ن ڒْحَاجث نّغْنِي.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.