لْكَنيسة ذ تَاسْريث نْلْمَسيح

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

²⁵⁻²⁶ آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس. ²⁷ حمَا لْمَسِيح اَذ يقدّم جْمَاعث ن ڒْمُوْمِنِين إِ يِيخف نّس تْشعْشِيع ذ ثَمْقدّسْت وَار تْوسِّيخ وَار تشْنِيق وَار ذَايس يتِيڒِي بُو شَا ن ڒْعِيب نّغْنِي. ²⁸ أَمنِّي كِيف-كِيف لَابُد يرْيَازن اَذ حِبّن ثِمْغَارِين نْسن مَامش تْحِبَّان دَّات نْسن. ونِّي يتْحِبَّان ثَمْغَارْث نّس ذ يخف نّس إِي يتْحِبَّا. ²⁹ شُوْف، عمَّارْص وَار يدْجِي حَدّ يتْعِيفَّا دَّات نّس: لَّا، ئِتْذبَّر-د خَاس يتْحَوَاڒ خَاس. أَمنِّي إِي يتݣ لْمَسِيح اَك جْمَاعث ن ڒْمُوْمِنِين. ³⁰ لِأَنَّا نشِّين ذ طْرُوْفَاث ن دَّات نّس. ³¹ لْكِتَاب يقَّار: <خ مَانَايَا اَرْيَاز اَذ يسْمح ذِي بَابَاس ذ يمَّاس اَذ يمُوْن اَك ثمْغَارْث نّس، ثْنَاين إِذْسن اَذ ذوْڒن ذ يجّن.> ³² ذݣ وَاوَاڒ-أَ مِيخف نسَّاوَاڒ ذَايس يجّن ن ڒْمَعْنَا ينُوْفَّرن يُودْجغ اَطَّاس. قَّارغ نش بلِّي ڒْمَعْنَا-يَا يسَّاوَاڒ خ لْمَسِيح اَك جْمَاعث ن ڒْمُوْمِنِين.

⁶ سْڒِيغ إِ يِجّن ن صُّوْت اَم صُّوْت ن وَاطَّاس ن ڒْغَاشِي نِغ اَم صُّوْت ن وَاطَّاس ن وَامَان نِغ اَم صُّوْت ن وَاجَّاج يجهْذن، ئِقَّار: "حمْذث أَربِّـي! سِيذِي أَربِّـي نّغ إِݣ يزمَّرن إِ كُڒْشِي قَا يحكّم. ⁷ يَالَّاهم أَ نْفَرْحث، أَ نزْهُوْث، أَث نْسمْغَارث! ڒْفَارْح ن يِزْمَار اَقَّا يُوْوض-د، ثَسْڒِيث نّس قَا ثْسوْجذ يخف نّس. ⁸ ئِمُّوْش-اَس اَخَاس ثݣّ ڒْكتَّان ن لُوْلَان اَصبْحَان، يرقّْ، يصْفَا." (ڒْكتَّان ن لُوْلَان اَصبْحَان يعْنِي نتَّا ذ ڒخْذَايم إِݣ يدْجَان نِيشَان ن ڒْمُوْمِنِين صَّالِحِين.) ⁹ ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.