سأروح إي تݣ لموعجزاث لكنيسة

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹² أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا. ¹³ مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس. ¹⁴ مِين ذَايي غَا ثتَّارم عْلَاحْسَاب يسم ينُو، أَث خذْمغ.

¹² أَرُّسُل تݣّن اَطَّاس ن لْمُعْجِيزَاث ذ لْبُرْهَانَاث جَار يِوذَان، تْمُوْنن مَارَّا ذݣ وسقِّيف ن سُلِيمَان ذِي ثمْزِيذَا ثَمقّْرَانْت. ¹³ زݣ يِوْذَان نِّي إِي وَار يُوْمِينن شَا وَار يزْعِيم حَدّ اَكِذْسن يِيڒِي اَك ڒْمُوْمِنِين وَلَكِن وَاخَّا ٱمنِّي تحْتَارَامن-ثن اَطَّاس. ¹⁴ مَارْنِين-د اَطَّاس ن يِوْذَان إِي يُوْمْنن زِي سِيذِيثْنغ، زَّايْسن يجّن ن لْعَدَد ن يرْيَازن ؤُڒَا ذ ثمْغَارِين. ¹⁵ ئِوْذَان سُوْفُوْغن-د يمهْڒَاش نْسن غار زْنَاقِي، سْرُوْسَان-ثن خ ثَاسُّوْث ذ يجَرْثِيڒن حمَا اَخْمِي سّنِّي د غَا يعْذُو بُطْرُس، يمْكن اَذ يڒْقف ڒبْعَاض زَّايْسن س ثِيڒِي نّس. ¹⁶ تَاسن-د اَطَّاس ن يِوْذَان زِي ڒدْشُوْرَاث إِي يُوْذْسن غَار لْقُدْس، تَاوِين-د يمهْرَاش نْسن ذ يِنِّي يتْعدَّابن جْنُوْن يعفَّانن نِثْنِي تْݣنْفَان مَارَّا. ¹⁷ ئِكَّر اَرَّايس ن ڒْفُقَهَا ذ مَارَّا يِنِّي كِس يدْجَان نِثْنِي زِي ڒْحِزب ن يصَدُّوْقِيْين، حسْذن اَرُّسُل اَطَّاس. ¹⁸ طّْفن-ثن ݣِّين-ثن ذِي ڒحْبس. ¹⁹ وَلَكِن س دْجِيرث يجّن ن لْمَلَائِكَا ن سِيذِي أَربِّـي ثرْزم-اَسن ثِوُّوْرَا ن ڒحْبس، ثْسُوْفغ-يثن ثنَّا-ٱسن: ²⁰ "رُوْحم بدّث ذِي ثمْزِيذَا ثَمقّْرَانْت، حدّْثم إِ يِوْذَان س مَارَّا اَوَاڒن ن ثُوْذَارْث-أَ ن جْذِيذ." ²¹ ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس. ²² وَامِي ؤُوْضن يعسَّاسن نِّي غَار ڒحْبس وَار ثن ؤُفِين شَا ذِنِّي. ذوْڒن-د سِّيوْضن ڒخْبَار، ²³ نَّان-اَسن: "نُوْفَا ثِوُّوْرَا ن ڒحْبس بلّْعنْت مْلِيح، ذ يعسَّاسن ن ڒحْبس بدّن زَّاث إِ ثوُّوْرَا نِّي. نشِّين وَامِي نُوْذف غَار ذَاخڒ وَار ذِنِّي نُوْفِي حَدّ." ²⁴ وَامِي سْڒِين إِ وَاوَاڒ-أَ اَرُّوْيَاس ن ڒْفُقَهَا ذ ومقّْرَان ن يعسَّاسن ن ثمْزِيذَا ثَمقّْرَانْت يسْمض-اَسن ڒَعْجب ذݣ وُوْڒ فكَّرن مَانِي غَا يَاوض مَانَايَا؟ ²⁵ يُوْسَا-د غَارْسن يجّن ينَّا-ٱسن: "يرْيَازن نِّي إِي ثݣِّيم ذِي ڒحْبس اَقَاثن ذِي ثمْزِيذَا ثَمقّْرَانْت سڒْمَاذن يوْذَان!" ²⁶ ڒخْدّنِّي يرُوْح ومقّْرَان نِّي ن يعسَّاسن اَك يمْخَازْنِيْين نّس ؤُوِين-د اَرُّسُل بڒَا لْعُنْف مِينْزِي ݣّْوْذن زِي شَّعب اَثن رجْمن س وزْرُو. ²⁷ وَامِي د سِيذْفن اَرُّسُل، سْبدّن-ثن زَّاث إِ جْمَاعث ن لْحُكَّام ن أَيث-إِسْرَائِيل. ينَّا-ٱسن اَرَّايس ن ڒْفُقَهَا: ²⁸ "نشِّين نُوْمَر-يكنِّيو وَار ثسڒْمَاذم شَا عْلَاحْسَاب يسم نِّي ن عِيْسَى. وَلَكِن كنِّيو ثْعمَّارم لْقُدْس س تَّعْلِيم نْوم. ثخْسم اَذ تݣّم ڒْموْث ن ورْيَاز-أَ خ يِيڒي نّغ." ²⁹ ئِنْدق-د اَرَّسُوْل بُطْرُس ذ اَرُّسُل نّغْنِي نَّان-اَسن: "ئِتْخصَّا-يَانغ أَ نْطَاع إِ أَربِّـي مَاشِي إِ يِوْذَان!

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.