سيذنا عيسى لمسيح إيسَوَار خثارْيَّاسْتْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ ئِسِّيوڒ عِيْسَى اَك يمحْضَارن نّس ذ يِوْذَان ² ينَّا-ٱسن: "ئِمْسڒْمَاذن ن شَّرِيعَا ذ ڒْحِزب ن يفَرِّيسِيْين قِّيمن-اَس إِ مُوْسَى خ ڒْكُرْسِي نّس، يعْنِي سڒْمَاذن شَّرِيعَا نّس. ³ خ مَانَايَا، تݣّث مَارَّا مِين ذَاوم قَّارن، خذْمم زَّايس. وَلَكِن وَار تݣّم شَا اَم نِثْنِي، مَايمِّي؟ لِأَنَّا نِثْنِي وَار تݣّن شَا مِين قَّارن. ⁴ تْشدَّان ڒحْمڒ يذقْڒن يقسْحن خ يِوْذَان حمَا اَث اَرْبُوْن، وَلَكِن وَار تْحِيذِين شَا ڒحْمڒ نِّي ؤُڒَا س ؤُضَاض نْسن. ⁵ مَارَّا مِين تݣّن حمَا اَغَارْسن خْزَرن يِوْذَان: تݣّن ڒحْرُوْز ذ يمقّْرَانن، اَرنِّين ثِيشْڒُوڒِين إِ يزدْجَابن نْسن. ⁶ تخْسن يمُوْشَان يمزْوُوْرَا ذِي ڒفْرُوْح ذ ثمْزِيذَاوِين. ⁷ تخْسن اَخَاسن سدْجْمن ذِي ڒسْوَاق اَذَاسن ڒَاغَان يِوْذَان: آ سِيذِيثْنغ. ⁸ وَلَكِن كنِّيو، وَار تجَّام حَدّ اَذَاوم يڒَاغَا: آ سِيذِيثْنغ. ڒَاحقَّاش كنِّيو مَارَّا ذ اَوْمَاثن غَارْوم يجّن ن سِيذِيثْوم. ⁹ وَار تْڒَاغَام إِ حَدّ ذِي ثْمُوْرْث: آ بَابَاثْنغ. ڒَاحقَّاش غَارْوم غِير يجّن ن بَابَاثْوم اَقَاث ذݣ وجنَّا. ¹⁰ وَار تجَّام حَدّ اَذَاوم يڒَاغَا: آي اَمْسڒْمَاذ. ڒَاحقَّاش غَارْوم غِير يجّن ن ومْسڒْمَاذ، نتَّا ذ لْمَسِيح. ¹¹ أَمقّْرَان جَارَاوم يتْخصَّا اَذ يِيڒِي ذ اَخدَّام نْوم. ¹² ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزْيَان يخف نّس، أَتَاف اَذ يِيڒِي ذ اَمقّْرَان.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.