لمسيح إيدجانْ ذ أمْكْساوْ إيصْرْحْنْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ "أَقَا تسْڒَام ڒْحَقّ: ونِّي وَار يتِيذْفن شَا زِي ثوَّارْث ن ڒْكُوْرِي ن يحُوْڒِيْين يتْݣَعَّاذ مَانِيس نّغْنِي، نتَّا يتْوَاحْسَاب ذ اَشفَّار ذ اَخوَّان. ² وَلَكِن ونِّي د غَا يَاذْفن زِي ثوَّارْث نتَّا إِݣ يَروّْسن يحُوْڒِيْين نّس. ³ أَعسَّاس ن ڒْكُوْرِي اَذَاس يرْزم ثَوَّارْث إِ ونِّي إِي يَروّْسن، ئِحُوْڒِيْين نّس تسْڒَان إِ صُّوْت نّس. ئِتْڒَاغَا خ يحُوْڒِيْين نّس س يِيسمَاون نْسن، أَثن يسُوْفغ. ⁴ أَذ يسُوْفغ مَارَّا يحُوْڒِيْين نّس يݣُّوْر زَّاثْسن، ئِحُوْڒِيْين نِّي ذفَّارن-ث مِينْزِي سّْنن صُّوْت نّس. ⁵ وَلَكِن اَثَرَّاس ن مِيدّن وَار ث ذفَّارن عمَّارْص، اَزَّايس اَروْڒن مِينْزِي نِثْنِي وَار سِّينن شَا صُّوْت ن وثَرَّاس ن مِيدّن." ⁶ ينَّا-ٱسن عِيْسَى ڒمِثَال-أَ، وَلَكِن نِثْنِي وَار فْهِيمن شَا ثِمسْڒَايِين مِيخف إِي ذَاسن يسَّاوَاڒ. ⁷ ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي. ⁸ مَارَّا يِنِّي د يُوْسِين قْبڒ إِ نش نِثْنِي تْوَاحَاسْبن ذ يشفَّارن ذ يخوَّانن، ئِحُوْڒِيْين نِثْنِي وَار غَارْسن سْڒِين شَا. ⁹ نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ. ¹⁰ نتَّا اَشفَّار يتَاس-د غِير اَذ يَاشَار اَذ ينغ اَذ يهْذم. نش ؤُسِيغ-د حمَا اَغَارْسن ثِيڒِي ثُوْذَارْث نِّي ن ثُوذَارْث بْڒَا ڒقْيَاس. ¹¹ نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس. ¹² أَخدَّام مَاشِي اَم ونِّي يَروّْسن يحُوْڒِيْين نّس نِّيث. أَخدَّام، مڒَا يࢲْرَا ؤُشَّان يُوْسَا-د اَذ يسْمح ذݣ يحُوْڒِيْين نِّي اَذ يَرْوڒ. ؤُشَّان اَذ يهْجم خ يحُوْڒِيْين اَثن يعْزڒ خ وَايَاوْيَا. ¹³ أَخدَّام اَذ يَرْوڒ مِينْزِي نتَّا ذ اَخدَّام وَاهَا، وَار ث تْهِيمِّين شَا يحُوْڒِيْين. ¹⁴⁻¹⁵ نش ذ ونِّي إِي ثن يَروّْسن ذ صَّح. سّْنغ يحُوْڒِيْين ينُو يحُوْڒِيْين ينُو سّْنن-اَيي، مَامّش ذَايي يسّن بَابَا نش سّْنغ-ث. ثُوْذَارْث ينُو، تْصدَّاقغ-ت خ يحُوْڒِيْين ينُو. ¹⁶ غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن. ¹⁷ س مَانَايَا بَابَا يتْحِبَّا-ٱيي مِينْزِي نش تْصدَّاقغ ثُوْذَارْث ينُو حمَا عَاوذ اَتِيد اَرّغ. ¹⁸ ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.