لْأمَانه ذ لْغيلا

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ إِذن فَا شك آ مِّي، سْجهّذ يخف نّش ذِي اَرْضَا نِّي يدْجَان ذِي عِيْسَى لْمَسِيح. ² ثِمسْڒَايِين نِّي إِي ثسْڒِيذ زَّايِي زَّاث إ وَاطَّاس ن ڒشْهُوْذ، اجّ-يثنْت اَم يِجّن ن لْأَمَانَا اَك يرْيَازن اَتَاف ذَايْسن تِّقث، عَاوذ يرْيَازن نِّي زمَّرن اَذ سْڒمْذن يوْذَان نّغْنِي. ³ إِڒِي اَكِذِي ذݣ وعدّب اَم وعسْكَارِي اَصبْحَان ن عِيْسَى لْمَسِيح. ⁴ وَار ذِنِّي بُو شَان وعسْكَارِي إِݣ يتمْخُوْمْبُوْرن ذِي دُّوْر نّس ذِي ثْمسْڒَايِين ن دُّنشْت-أَ ڒَاحقَّاش يرزُّو اَذ يَارْضَا خ ونِّي إِي ث يَارِّين ذ اَعسْكَارِي. ⁵ أَمنِّي عَاوذ ونِّي يتمْعَانَاذن ذِي لْملْعَب؛ مڒَا وَار يتمْعَانَاذ شَا عْلَاحْسَاب لْقَانُوْن وَار يربّح شَا لْجَائِزَا. ⁶ أَفدْجَاح إِݣ يتَمَارن ذِي ڒْخذْمث أُو لَابُد اَذ ييْسِي ڒْحَقّ نّس نتَّا ذ اَمزْوَارُو زِي ثْفدْجَاحْث نِّي. ⁷ فكَّر ذِي مِين ذَاش قَّارغ، أَقَا ذ سِيذِي أَربِّـي نتَّا إِي ش غَا يسفْهَامن ذِي مَارَّا ثِمسْڒَايِين-أَ.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.