أوْصي نبولوسْ إيرْقويَّاذ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹⁶⁻¹⁷ زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين. ¹⁸ وَامِي غَارس د ؤُسِين يمقّْرَانن نِّي ينَّا-ٱسن: "كنِّيو قَا ثسّْنم مَامّش تْعِيْشغ مَارَّا ڒْوقْث نِّي إِي تُوْغَا ٱكِذْوم قِّيمغ، زِي نْهَار نِّي اَمزْوَارُو إِي د ؤُذْفغ غَار آسْيَا. ¹⁹ خدّْمغ إِ سِيذِي أَربِّـي بْڒَا تَّكبُّر، س يمطَّاون ينُو كِّينْت خَافِي ڒمْحَاين وَامِي خَايِي شِيْطّْنن يسْرَائِيلِيْين. ²⁰ وَار زَّايْوم سْنُوْفَّرغ وَالُو، نش تْخبَّرغ-كنِّيو س مَارَّا مِين كنِّيو غَا ينفْعن. سڒْمَاذغ-اَوم-ث زَّاث إِ يِوْذَان أُو عَاوذ زِي ثدَّارْث غَار ثدَّارْث. ²¹ عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى. ²² نش نْهَارَا ݣُّوْرغ غَار ثنْدِينْت ن لْقُدْس ذ أَرُّوْح إِي ذَايِي يتَاوِيِن ذِنِّي، وَار سِّينغ مِين ذَايِي غَا يوقْعن. ²³ إِنَّمَا، ذِي مْكُڒ ثنْدِينْت يعدْجم-اَيي-د أَرُّوْح يقدّْسن قَا يتْرَاجَا-ٱيِي ڒحْبس ذ تَمَارَا. ²⁴ وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي. ²⁵ ڒخُّو كنِّيو ؤُمِي بشَّرغ س ڒْمُلْك ن أَربِّـي سّْنغ نش بلِّي ؤُڒَا ذ يجّن زَّايْوم مَا ٱذ يࢲر اَغمْبُوْب ينُو سَّا ٱڒ ثْسَاونْت. ²⁶ خ مَانَايَا قَّارغ-اَوم نش زِي نْهَارَا تْبرِّيغ يخف ينُو زݣ يذَامّن نْوم مَارَّا. ²⁷ لِأَنَّا نش وَار زَّايْوم سْنُوْفَّرغ وَالُو زِي مَارَّا مِين ينوَّا أَربِّـي اَث يݣّ. ²⁸ حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس. ²⁹ شُوْف، سّْنغ خْمِي غَا ؤُيُوْرغ نش اَذ د اَذْفن جَارَاوم شَان ن وُوْشَّانن يوْعَارن وَار رحّْمن شَا ثْحِيمرْث. ³⁰ عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن. ³¹ إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو. ³² آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين. ³³ نش عمَّارص وَار ضْمِيْعغ إِ يِيخف ينُو شَان ن دّْهب نِغ ذ نُّقَارْث نِغ ذ اَرُّوْض ن شَان حَدّ. ³⁴ كنِّيو ثسّْنم نش تُوْغَا خذْمغ س يفَاسّن ينُو بَاش اَغَارِي يِيڒِي مِين حْذَاجغ نش ذ مِين حْذَاجن يِنِّي اَكِذِي. ³⁵ س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن." ³⁶ وَامِي ينَّا بُوْلُس ثِمسْڒَايِين-أَ، يرْكع خ يفَادّن ذ يِنِّي مَارَّا نتَّا يࢲُّوْدْج. ³⁷ ذرّْعن-اَس إِ بُوْلُس بْذَان تْسدْجَامن خَاس، تْرُوْن مَارَّا إِذْسن. ³⁸ خيّْقن اَطَّاس س وَارَاڒ نِّي إِي ذَاسن ينَّا وَار ثْࢲرّم شَا اَغمْبُوْب ينُو سَّا ٱڒ ثْسَاونْت. سّنِّي ؤُوِين-ث غَار وغَرَّابُو.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.