إيمحضَارنْ إيتْبراكيثنْ سيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ وَامِي يࢲْرَا قَاع ڒْغَاشِي نِّي، يُوْڒِي غَار وذْرَار يقِّيم ؤُسِين-د غَارس يمحْضَارن نّس. ² ئِبْذَا يسڒْمَاذ-يثن ينَّا-ٱسن: ³ "سَّعْذ نْسن إِ يِنِّي يدْجَان ذ ڒْمُسَاكِين ذݣ اَرُّوْح نْسن، أَقَا ڒْمُلْك وجنَّا إِ نِثْنِي. ⁴ سَّعْذ نْسن إِ يِنِّي يتْرُوْن، أَقَا اَذ تْوَاشجّْعن. ⁵ سَّعْذ نْسن إِ يِنِّي يدْجَان ذ دْرَاوش، أَقَا اَذ وَرْثن دُّنشْت. ⁶ سَّعْذ نْسن إِ يِنِّي يدْجُوْزن يفُّوْذن غَار مِين يدْجَان نِيشَان، ڒَاحقَّاش نِثْنِي اَذ جَّاوْنن. ⁷ سَّعْذ نْسن إِ يِنِّي يرحّْمن، أَقَا اَثن يرْحم أَربِّـي ؤُڒَا ذ نِثْنِي. ⁸ سَّعْذ نْسن إِ يِنِّي غَار يدْجَا وُوْڒ ذ اَشمْڒَاڒ، أَقَا اَذ ࢲرن أَربِّـي. ⁹ سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي. ¹⁰ سَّعْذ نْسن إِ يِنِّي يتْوَاعدَّابن خ سَّبَاب ن مِين يدْجَان نِيشَان، أَقَا ڒْمُلْك ن وجنَّا إِ نِثْنِي. ¹¹ سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو. ¹² ضحْشث، فَرْحث. أَقَا غَارْوم يجّن ن لْأَجَار ذ اَمقّْرَان ذݣ وجنَّا ڒَاحقَّاش اَمنِّي إِي تْوَاعدّْبن لْأَنْبِيَا تُوْغَا يدْجَان قْبڒ نْوم.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.