إيمحضَارنْ تْتارْنْ رْمورْك نْسيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹⁹ وَار سْنُوْفُّوْرث شَا ڒْكنْز نْوم ذِي دُّنشْت-أَ مَانِي يَرشَّا تتّنْت-ث ثْكشَّاوِين ذ مَانِي دْجَان يشفَّارن شَّاثن نْقَابث تَاشَارن-ث. ²⁰ وَلَكِن سْنُوْفَّرث ڒْكنْز نْوم ذݣ وجنَّا مَانِي وَار يَرشِّي شَا وَار ث تتّنْت شَا ثْكشَّاوِين ذ مَانِي وَار دْجِين شَا يشفَّارن شَّاثن نْقَابث تَاشَارن-ث. ²¹ أَقَا مَانِي يدْجَا ڒْكنْز نّش، ذِنِّي إِي غَا يِيڒِي وُوْڒ نّش. ²² ثِيطَّاوِين اَم ثْفَاوْث إِ ثُوْذَارْث نّش. مڒَا غَارك ثِيطَّاوِين صحَّانْت، أَتَاف اَغَارك ثِيڒِي ثْفَاوْث مَارَّا ذِي ثُوْذَارْث نّش. ²³ وَلَكِن مڒَا ثِيطَّاوِين نّش وَار دْجِينْت شَا مْلِيح، أَتَاف مَارَّا ثُوْذَارْث نّش اَذَايس ثِيڒِي ثَادْجسْت. مڒَا ثْفَاوْث إِي ذَايش ثذْوڒ ذ ثَادْجسْت، شْحَاڒ ذ ثُوْبَّارشنْت إِي تِيڒِي ذ ثَادْجسْت نِّي إِي ذَايش. ²⁴ وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين. ²⁵ خ مَانَايَا اَذَاوم ينِيغ: وَار كسِّيم شَا س ومْنُوْس إِ ثُوْذَارْث نْوم عْلَاحْسَاب مِين غَا ثشّم نِغ ذ مِين غَا ثسْوم نِغ ذ اَرُّوْض إِي غَا ثحْذَاجم إِ دَّات نْوم. مِينْزِي ثُوْذَارْث-أَ تْسݣّْوَا كْتَار زِي مَشَّا. دَّات-أَ تْسݣّْوَا كْتَار زݣ وَارُّوْض. ²⁶ خْزَرث مْلِيح غَار يِجْضَاض وجنَّا. وَار زرّْعن، وَار مجَّارن، وَار خزّْنن ذِي ثسْڒَافِين. وَلَكِن بَابَاثْوم إِي يدْجَان ذݣ وجنَّا إِي ذَاسن يتِّيشّن اَذ شّن. كنِّيو، مَا وَار تْسݣّْوِيم شَا اَطَّاس س وَاطَّاس خ يِجْضَاض؟ ²⁷ أُوْݣ يزمَّرن زَّايْوم اَذ يَرْنِي س ومْنُوْس نّس غِير ثْسَعَّات وَاهَا ذِي ڒْعُمُوْر نّس؟ ²⁸ مَايمِّي ثْكسِّيم اَمْنُوْس إِ وَارُّوْض؟ خْزَرث ذِي نْوَار ن ڒخْڒَا مَامّش يݣَّا، وَار يَربّڒ وَار يتْخيِّيض. ²⁹ قَّارغ-اَوم نش: ؤُڒَا ذ اَزدْجِيذ سُلِيمَان مشْحَاڒ غَارس ذ اَݣْڒَا وَار يزمَّر شَا اَذ يَرض شَا ن وَارُّوْض يݣَّا اَم نْوَار-أَ وَانِيتَا. ³⁰ مڒَا أَربِّـي يتِيشّ اَرُّوْض زَعْمَا إِ اَرْبِيع ن ڒخْڒَا إِݣ يدْجَان نْهَارَا اَذ يحَرق ثِيوشَّا ذݣ وفَرَّان، مَا وَار يتݣّ اَكِذْوم كنِّيو كْتَار؟ ذَايْوم لْإِيمَان نْوم ذ ؤُقْلِيل. ³¹ وَار كسِّيث بُو س ومْنُوْس اَذ تِينِيم، مِين غَا نشّ؟ نِغ ذ مِين غَا نْسو؟ نِغ ذ مِين غَا نَرض ذ اَرُّوْض؟ ³² مَارَّا مَانَايَا رزُّوْن-ث ڒݣْنُوْس. أَقَا بَابَاثْوم يدْجَان ذݣ وجنَّا يسّن بلِّي تحْذَاجِيم ثِمسْڒَايِين-أَ. ³³ رزُّوْث ذ اَمزْوَارُو خ ڒْمُلْك ن أَربِّـي ذ ثُوْذَارْث إِݣ يدْجَان نِيشَان، سّنِّي ثِمسْڒَايِين-أَ مَارَّا اَذَاوم مَارْنِينْت. ³⁴ وَار كسِّيث بُو س ومْنُوْس إِ مِين غَا يوقْعن ثِيوشَّا، أَقَا ثِيوشَّا اَذ ييْسِي نِّيث س ومْنُوْس إِ يِيخف نّس. ڒْهمّْ إِي د يمظهَّارن نْهَار نِّي اَذ يكْفَا نْهَار نِّي.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.