إيمحضَارنْ ݣورْنْ أذمجارْنْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

³⁵ يُوْيُوْر عِيْسَى ذِي مَارَّا ثِندَّام ذ ڒدْشُوْر، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْحدَّاث يتْبشَّار س ڒْمُلْك ن أَربِّـي. ئِسْݣنْفَا مَارَّا ڒهْڒَاشَاث ذ دِّيعَان ن دَّات. ³⁶ يࢲرّ عِيْسَى ڒْغَاشِي نِّي قّْسن-اَس مِينْزِي تْوَاعدَّابن تْنهْوَاڒن، ݣِّين اَمشْنَاو يحُوْڒِيْين وَار غَارْسن شَا ؤُو ثن غَا يَروْسن. ³⁷ ينَّا-ٱسن إِ يمحْضَارن نّس: "ثَفدْجَاحْث اَطَّاس وَلَكِن ذْرُوس يشوَّارن إِي غَا يخذْمن. ³⁸ تَّارث زِي بَاب ن ثْفدْجَاحْث اَد يَرْنِي يشوَّارن ذݣ ومَرْجع نّس."

¹ ئِڒَاغَا-د عِيْسَى خ ثنْعَاش نِّي ن يمحْضَارن نّس يُوْشَا-ٱسن سُّلْطَا إِي زِي غَا سُوْفْغن جْنُوْن اَذ سْݣنْفَان مَارَّا ڒهْڒَاشَاث ذ ڒحْرِيقَاث ن يِوْذَان.

⁵ ثنْعَاش-أَ ن يرْيَازن يسّكّ-يثن عِيْسَى يوصَّا-ثن ينَّا-ٱسن: "وَار تْرَاحم شَا غَار ثْمُوْرَا ن ڒݣْنُوْس. وَار تِيذْفم بُو ثِندَّام ن ثْمُوْرْث ن سَامَرْيَا. ⁶ لَّا، رُوْحث غَار يحُوْڒِيْين نِّي يودَّارن يعْنِي يوْذَان ن أَيث-إِسْرَائِيل. ⁷ خْمِي غَا ثْرَاحم، حدّْثم س ڒْمُلْك وجنَّا اَقَا يُوْذس-د. ⁸ سْݣنْفَام يمهْڒَاش، سْفَاقم-د يِنِّي يمُّوْثن، سِيصْفَام يِنِّي إِݣ يدْجَا جْذَام، سُوْفْغم جْنُوْن. مَانَايَا يمُّوْش-اَوم بَاطڒ، ؤُڒَا ذ كنِّيو ؤُشم-ث بَاطڒ! ⁹ وَار دبَّرم وَالُو: لَّا دّْهب، لَّا نُّقَارْث، لَّا نّحَّاس ذݣ وحزَّام نْوم. ¹⁰ وَار دبَّرم بُو وقْرَاب خ وبْرِيذ ؤُڒَا ذ ثْنَاين يتْشَامِّيرن، ؤُڒَا ذ ثِسِيڒَا، ؤُڒَا ذ اَعكَّاز. مِينْزِي ونِّي يتْبشَّارن غَارس ڒْحَقّ اَذ يتْخَاڒس اَغْرُوْم نّس. ¹¹ خْمِي غَا ثَاذْفم شَان ثنْدِينْت نِغ شَان دْشَار، رْزُوْم خ ونِّي كنِّيو غَا يقبْڒن غَار ثدَّارْث نّس. قِّيمث ذَايس اَڒ غَا ثُوْيُوْرم سّنِّي. ¹² خْمِي غَا ثَاذْفم غَار شَان ثدَّارْث، سدْجْمم خ اَيثْبَاب نّس. ¹³ مڒَا قبْڒن-كنِّيو اَيثْبَاب نّس، أَتَاف اَكِذْسن ثِيڒِي لْبَرَكَا نْوم. مڒَا وَار كنِّيو قْبِيڒن شَا، أَتَاف وَار كِسن تْغِيمِي شَا لْبَرَكَا نْوم. ¹⁴ مڒَا وَار كنِّيو قْبِيڒن شَا ذِي شَان ثدَّارْث نِغ ذِي شَان ثنْدِينْت نِغ مڒَا وَار خْسن اَغَارْوم صنّْطن، فّْغث سّنِّي مسْحث ثَعجَّاشْت زݣ يضَارن نْوم. ¹⁵ أَقَا تسْڒَام ڒْحَقّ: ذِي يُوْم لْحِسَاب ذ لْعِقَاب اَذ يِيڒِي لْعِقَاب ن ثنْدِينْت نِّي كْتَار زِي لْعِقَاب ن ثنْدِينْت ثَعفَّانْت ن سَادُوْم ذ ثنْدِينْت ثَعفَّانْت ن عَمُّوْرَا. ¹⁶ نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن. ¹⁷ حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن. ¹⁸ أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس. ¹⁹ خْمِي كنِّيو غَا سلّْمن، بْڒَا مَا ٱذ تيْسِيم اَمْنُوْس ذِي ڒَعْقُوْڒَاث نْوم مِين غَا ثِينِيم نِغ ذ مَامّش إِي غَا ثسِّيوْڒم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي. ²⁰ وَار يدْجِي بُو ذ كنِّيو إِي غَا يسِّيوْڒن؛ لَّا، ذ أَرُّوْح ن بَابَاثْوم إِي غَا يسِّيوْڒن ذݣ ومْشَان نْوم.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.