إيمحضَارنْ ݣورْنْ أكذ سلطة نسيذنا عيسى لمسيح

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ ئِجّن ن نْهَار غَار ثْڒَاثَا وعشِّي ذي ڒْوقْث ن ثْࢲَادْجِيث، بُطْرُس ذ يُوْحَنَّا ݣَعّْذن غَار ثمْزِيذَا ثَمقّْرَانْت ن أَيث-إِسْرَائِيل. ² ؤُفِين ذِنِّي يجّن ن ورْيَاز ذ اَنشْرُوْف يخْڒق-د اَمنِّي. تَاوِين-ث-يذ يِوْذَان غَار ثوَّارْث ن ثمْزِيذَا ؤُمِي قَّارن <ثَوَّارْث ثَصبْحَانْت>، سْرُوْسَان-ث ذِنِّي مْكُڒ نْهَار اَذ يتَّار غَار ينِّي يتَاذْفن غَار ثمْزِيذَا ثَمقّْرَانْت. ³ وَامِي يࢲْرَا ونشْرُوْف نِّي بُطْرُس ذ يُوْحَنَّا تَاذْفن غَار ثمْزِيذَا ثَمقّْرَانْت، ئِبْذَا يتتَّار-اَسن صَّذَقَا. ⁴ بُطْرُس ذ يُوْحَنَّا خزَّرن ذَايس مْلِيح، ينَّا-ٱس بُطْرُس: "خْزَر-د غَارْنغ!" ⁵ ئِخْزَر غَارْسن، ئِتْغِيڒ-اَس اَذَاس ؤُشن شَان ڒْحَاجث. ⁶ ئِنْدق-د بُطْرُس ينَّا-ٱس: "نش وَار غَاري نُّقَارْث نِغ ذ دّْهب. وَلَكِن زِي مِين غَارِي نش اَذَاش ث ؤُشغ. ينَّا-ٱس: عْلَاحْسَاب يسم ن عِيْسَى لْمَسِيح زي نَاصِرَا، كَّر ؤُيُوْر!" ⁷ يُوْشَا-ٱس فُوْس يطّف-يث زݣ وفُوْس نّس اَفُوْسِي يسْݣَعّذ-يث، ڒخْدّنِّي ثِشْعبِين نّس ذ يضَارن نّس ݣنْفَان. ⁸ ئِنخْضف يبدّ خ يضَارن نّس يبْذَا يݣُّوْر. يُوْذف اَكِذْسن غَار ثمْزِيذَا ثَمقّْرَانْت يݣُّوْر ينطّو يحمّذ أَربِّـي. ⁹ وَامِي ث ࢲْرِين مَارَّا يوْذَان يݣُّوْر يحمّذ أَربِّـي، ¹⁰ عقْڒن-ث نَّان ذ وَانِيتَا تُوْغَا يتْغِيمَان يتتَّار زَّاث إِ ثمْزِيذَا ثَمقّْرَانْت غَار ثوَّارْث ؤُمِي قَّارن <ثَوَّارْث ثَصبْحَانْت.> قِّيمن تْعجّْبن اَطَّاس، ذهّْشن زِي مِين ذَاس يوقْعن.

⁶ ؤُيُوْرن ذِي ثيْزِيرْث نِّي اَمن-ثكْمَاڒ اَڒ وَامِي ؤُوْضن غار ثنْدِينْت ن پَـافُوْس. ؤُفِين ذِنِّي يجّن ن وسحَّار نتَّا ذ اَئِسْرَائِيلِي يَارَّا يخْف نّس ذ نَّبي قَّارن-اَس بنْيَشُوْع. ⁷ ئِتِيڒِي اَك لْعَامِل ونِّي ؤُمِي قَّارن سَرْجْيُوْس بُوْلُس. لْعَامِل نِّي نتَّا ذ يجّن ن ورْيَاز ذ اَمِيغِيس، ئِڒَاغَا-د إِ بَرْنَابَا ذ شَاوُل يخس اَذَاس سْڒمْذن اَوَاڒ ن أَربِّـي. ⁸ وَلَكِن يعَارّض-اَسن ؤُسحَّار نِّي بنْيَشُوْع (ونِّي ؤُمِي قَّارن س ثْيُوْنَانِيث أُلِيمَاس). نتَّا يرزُّو اَذ يسْبعّذ لْعَامِل خ لْإِيمَان. ⁹ ئِكَّر شَاوُل يعْنِي بُوْلُس يشُّوْر س أَرُّوْح يقدّْسن يخْزَر ذݣ وسحَّار نِّي مْلِيح؛ ¹⁰ ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟ ¹¹ سَّا ٱڒ ثْسَاونْت سِيذِي أَربِّـي اَقَاث ضذ نّش، أَذ تْضَرْغْڒذ اَتَاف وَار ثْࢲرّذ شَا ثْفَاوْث ن ثْفُوْشْت اَڒ يِجّن ن لْمُدَّا." ڒخْدّنِّي ثكَّا-ٱس-د ثَاشْبَابْث إِ ؤُسحَّار نِّي خ ثِيطَّاوِين يتْوَاڒَا ثَادْجسْت، ئِقِّيم يتنّض ذِنِّي يرزُّو ؤُو ث غَا يسْݣوّْذن س وفُوْس. ¹² ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.