إيمحضَارنْ تْكسْنْ أقّْذيم أسْنْ أجذيذ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ إِذن فَا وَامِي تْوَاسْنكَّارم كنِّيو اَك لْمَسِيح أُو لَابُد اَذ ترْزُوْم س وُوْڒَاون نْوم ثِمسْڒَايِين نِّي يدْجَان ذݣ وجنَّا مَانِي يقِّيم لْمَسِيح غَار وفُوْسِي ن أَربِّـي. ² رزُّوْث س وُوْڒَاون نْوم ثِمسْڒَايِين نِّي يدْجَان ذݣ وجنَّا، مَاشِي ثِنِّي ذِي ثْمُوْرْث. ³ مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي. ⁴ خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا. ⁵ خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام. ⁶ عْلَاحْسَاب ثِمسْڒَايِين-أَ إِي د غَا يَاسن نْهَار ن وغْضَاب ن أَربِّـي. ⁷ تُوْغَا قْبڒ ثُوْيُوْرم خ يبْرِيذن-أَ ثْعِيشم ذَايْسن. ⁸ وَلَكِن ڒخُّو ثِمسْڒَايِين نِّي يتْخصَّا اَخَاوم ثنْت ثسْبعّْذم قَاع يعْنِي اَعصَّاب ذ وغْضَاب ذ شَّرّْ ذ ڒْبَاطڒ ذ وَاوَاڒن يعفَّانن إِي ثقَّارم س وقمُّوْم نْوم. ⁹ وَار سْخرِّيقم شَا خ وَايَاوْيَا ڒَاحقَّاش ثْبدّْڒم طَّبِيعَا نِّي نْوم تُوْغَا غَارْوم قْبڒ ذَايس يخَرْوِيضن وَاهَا. ¹⁰ ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس. ¹¹ وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا. ¹² إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر. ¹³ صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان. ¹⁴ كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن. ¹⁵ اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي. ¹⁶ اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي. ¹⁷ مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.