إيمحضَارنْ تْسَامَاحْنْ إيوذان خمَانَيني إيتسَمَاحسْنْ سيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

²¹ ڒخْدّنِّي يقَارّب بُطْرُس غَار عِيْسَى ينَّا-ٱس: "آ سِيذِي، شْحَاڒ ن ثْوَاڒَاثِين إِي كِذِي غَا يخْضَا وُوْمَا بَاش اَذَاس سمْحغ؟ مَا سبْعَا ن ثْوَاڒَاثِين؟" ²² ينَّا-ٱس عِيْسَى: "لَّا، وَار يدْجِي بُو سبْعَا ن ثْوَاڒَاثِين، أَذَاش ينِيغ سبْعِين ؤُوث-يت ذِي سبْعَا ن ثْوَاڒَاثِين! ²³ ڒَاحقَّاش ڒْمُلْك وجنَّا يتَاوِي-د ذݣ يِجّن ن وزدْجِيذ يرزُّو اَذ يݣّ ڒحْسَاب اَك يخدَّامن نّس. ²⁴ وَامِي يبْذَا ذِي ڒحْسَاب، ؤُوِين-د غَارس يجّن ذَايْس اَطَّاس ن ومَارْوَاس، أَم عشْرَا اَڒَاف مِيلْيَار. ²⁵ وَار غَارس مِينْزِي غَا يَرّ اَمَارْوَاس-أَ، ئِوصَّا سِيذس اَذ يمّنْز نتَّا ذ ثَمْغَارْث نّس ذ ثَارْوَا نّس ذ مَارَّا مِين غَارس حمَا اَذ يخدْجس اَمَارْوَاس نِّي. ²⁶ يُوْسَا-د وخدَّام نِّي يسجّذ-اَس إِ سِيذس ينَّا-ٱس: أَهْيَا آ سِيذِي، صْبَار خَافِي. أَذَاش خدْجْسغ مَارَّا مِين ذَايِي تَارْسذ. ²⁷ ڒخْدّنِّي يقّس-اَس إِ سِيذس يذْڒق-اَس، ئِسْمح-اَس ذݣ ومَارْوَاس نِّي. ²⁸ ئِفّغ وخدَّام نِّي يُوْفَا يجّن نّغْنِي زݣ يخدَّامن، تُوْغَا يتَارس-اَس شْوَايْت وَاهَا، أَم يِجّن ن مِيلْيُوْن. ئِطّف-يث يبْذَا يتْجيَّاف-يث يقَّار-اَس: خدْجس-اَيِي مِين ذَاش تَارْسغ! ²⁹ يوْضَا-يَاس ومدُّوْكڒ نّس غَار يضَارن ينَّا-ٱس: صْبَار خَافِي شْوَايْت اَش خدْجْسغ. ³⁰ يُوْݣِي، ئِرُوْح نتَّا ينْضَر-يث ذِي ڒحْبس اَڒ غَا يخدْجس اَمَارْوَاس نّس. ³¹ ࢲْرِين يِنِّي كِس يخدّْمن مِين يوقْعن، ئِقّس-اَسن ڒْحَاڒ رُوْحن غَار سِيذِيثْسن عَاوْذن-اَس مِين يوقْعن. ³² ئِكَّر يڒَاغَا-يَاس-د سِيذس ينَّا-ٱس: آي اَخدَّام اَعفَّان، مَايمِّي؟ نش سمْحغ-اَش ذِي مَارَّا مِين ذَاش تَارْسغ ڒَاحقَّاش ثتَّارذ-اَيِي. ³³ ڒَا ذ شك تُوْغَا يتْخصَّا-شك اَذ تْرحْمذ اَمدُّوْكڒ نّش اَمشْنَاو مَامّش ش رحْمغ ؤُڒَا ذ نش." ³⁴ ئِغْضب سِيذس س وَاطَّاس يسلّم اَخدَّام نِّي غَار يِنِّي إِي ث غَا يعدّْبن اَڒ غَا يخدْجس مَارَّا مِين ذَايس ذ اَمَارْوَاس. ³⁵ أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ إمحضان؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.