لْكَنيسة إيتْكَّيتْ سيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ آي اَيثْمَا، نش تُوْغَا وَار زمَّرغ شَا اَكِذْوم سِّيوْڒغ اَم يِوْذَان يتݣّن اَرَّاي إِ اَرُّوْح ن أَربِّـي. لَّا، سِّيوْڒغ اَكِذْوم اَم يِوْذَان إِݣ يتݣّن اَرَّاي إِ نّفْس نْسن، أَم يسيْمَان وَاهَا إِي د يخڒْقن ذِي لْمَسِيح. ² ؤُشِيغ-اَوم اَذ تْحڒْوم اَغِي وَاهَا مَاشِي لْمَكْلَا ذ صَّح، لْمَكْلَا ذ صَّح تُوْغَا وَار ذَاس ثْزمَّرم شَا. أَقَا عَاذ ڒخُّو وَار ذَاس ثْزمَّرم شَا، ³ كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟ ⁴ شُوْف، مڒَا يجّن يقَّار نش ذفَّارغ بُوْلُس يجّن يقَّار نش ذفَّارغ أَپُــوْلُّوْس، أَتَاف كنِّيو تْعِيشم اَم يوْذَان ن دُّنشْت-أَ، نِغ لَّا؟ ⁵ إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم. ⁶ نش ࢲُّوْغ، أَپُـوْلُّوْس يسسّو، أُو ذ أَربِّـي إِي كنِّيو يسغْمَاين. ⁷ ونِّي يتࢲُّوْن ذ ونِّي يسسَّاون نِثْنِي وَار دْجِين ذ وَالُو. ونِّي يدْجَان نتَّا ذ أَربِّـي يعْنِي نتَّا يسغْمَاين. ⁸ فَا ونِّي يتࢲُّوْن ذ ونِّي يسسَّاون ڒْخذْمث نْسن ذ يجّن، كُڒ يجّن اَث يجَازَا عْلَاحْسَاب ڒْخذْمث نّس. ⁹ لِأَنَّا نشِّين نْشَرّش اَك أَربِّـي ذِي ڒْخذْمث-أَ. كنِّيو ذ اَمَرْجع نّس ذ ڒبْنِي نّس. ¹⁰ نش عْلَاحْسَاب اَرْضَا إِي ذَايِي يُوْشَا أَربِّـي ݣِّيغ يجّن ن دْسَاس اَم يِجّن ن لمْعَلّم يفْسُوْس نتَّا. يُوْسَا-د يجّن نّغْنِي يبنَّا خ دْسَاس-أَ. وَلَكِن أُو لَابُد كُڒ يجّن اَذ يَارّ ڒْبَاڒ مَامّش غَا يبْنَا خ دْسَاس-أَ. ¹¹ وَار ذِنِّي حَدّ يزمَّر اَذ يݣّ يج ن دْسَاس نّغْنِي خ ونِّي ذِنِّي يتْوَاݣّن، أُو دْسَاس-أَ وَانِيتَا ذ عِيْسَى لْمَسِيح. ¹²⁻¹³ ئِجّن، مڒَا يبْنَا خ دْسَاس-أَ س دّْهب نِغ س نُّقَارْث نِغ س ثِيزْرَا ثِصبْحَانِين نِغ س وكشُّوْض نِغ س اَرْبِيع نِغ س ورُوْم، أَتَاف ڒْخذْمث نّس اَذ د تْبَان، يعْنِي يُوْم لْحِسَاب ذ لْعِقَاب إِي د غَا يسْمظْهَار مَانَايَا. أُو عَاوذ مَانَايَا اَثِيد ثسْمظْهَار يجّن ن ثْمسِّي أُو ثِمسِّي-يَا اَذ تْصَاحّح مَان نُّوْع ن ڒْخذْمث إِي يݣَّا مْكُڒ يجّن. ¹⁴ ونِّي يبْنَان خ دْسَاس-أَ ڒْخذْمث نّس نِيشَان وَار ت تتّ شَا ثْمسِّي، أَتَاف اَث يجَازَا. ¹⁵ ونِّي ؤُمِي غَار ثحرق ڒْخذْمث نّس، أَتَاف اَذ يخْسَر لْجَائِزَا نِّي. نتَّا س يِيخف نّس اَذ ينْجم وَلَكِن اَم ونِّي يَالَّاه د يَروْڒن زِي ثْمسِّي.

²¹⁻²² إِيوَا صَافِي، مَاشِي اَذ تفْتَخَرم س يرْيَازن. شُوْف، كُڒْشِي نْوم: وَاخَّا ذ بُوْلُس نِغ ذ أَپُوْلُّوْس نِغ ذ بُطْرُس، نِغ ذ دُّنشْت-أَ نِغ ذ ثُوْذَارْث نِغ ذ ڒْموْث، نِغ ذ مِين يدْجَان ڒخُّو نِغ ذ مِين غَا يِيڒِين منْبَعْد، يعْنِي كُڒْشِي نْوم. ²³ كنِّيو ن لْمَسِيح، أُو لْمَسِيح نتَّا ن أَربِّـي.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.