لْكَنيسَاث تْتَارْنْتْ جرَاسْنْتْ سيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

²³ غِير ضڒْقن-اَسن-د إِ بُطْرُس ذ يُوْحَنَّا، رُوْحن غَار يمدُّوْكَاڒ نْسن عَاوْذن-اَسن مَارَّا مِين ذَاسن نَّان اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل. ²⁴ وَامِي سْڒِين إِ مَانَايَا، تَّارن إِ أَربِّـي ذِي ثْࢲَادْجِيث مَارَّا إِذْسن نَّان-اَس: "يَا مَوْلَانَا ذ شك يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن. ²⁵ ذ شك إِي ينَّان س أَرُّوْح يقدّْسن س يِيڒس ن جدِّيثْنغ دَاود ڒْعَبْذ نّش وَامِي ينَّا: مَايمِّي ڒݣْنُوْس غضْبن اَطَّاس؟ مَايمِّي يوْذَان تْشِيطِينن ذِي ڒْخَاوِي؟ ²⁶ سوْجَاذن يزدْجِيذن ن ثْمُوْرْث يخف نْسن، مُوْنن اَرُّوْيَاس اَك وَايَاوْيَا، بَاش اَذ عَارّْضن إِ سِيذِي أَربِّـي ذ لْمَسِيح نّس. ²⁷ لِأَنَّ ذ صَّح اَزدْجِيذ هِيرُدُوْس ذ لْحَاكم بُنْطْيُوْس بِيلَاطُس مُوْنن اَك أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل ذِي ثنْدِينْت-أَ. تَافْقن ضد إِ وخدَّام نّش يقدّْسن عِيْسَى إِي ثِيخْضَرذ. ²⁸ ݣِّين قَاع مِين تُوْغَا ثْزمّْمذ اَذ يوْقع س وفُوْس ذ ڒْخَاضَر نّش. ²⁹ آ سِيذي، ڒخُّو خْزَر مَامّش ذَانغ تْهدَّاذن، ؤُش-اَنغ إِ نشِّين لْعِبَاد نّش أَ نسِّيوڒ س وَاوَاڒ نّش س زْعَامث. ³⁰ سَرّح فُوْس نّش بَاش اَذ تسْݣنْفِيذ اَذ تسْبيّْنذ لْمُعْجِزَاث ذ لْبُرْهَانَاث عْلَاحْسَاب يسم ن عِيْسَى اَخدَّام نّش يقدّْسن." ³¹ وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.