لْكَنيسَاث تْتَارْنْتْ سيذي ربي جرَاسْنْتْ رَا إينغني

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹³ مڒَا ذِين شَان يجّن جَارَاوم يتْوَاعدَّاب، ئِتْخصَّا-يَاس اَذ يࢲَّادْج. مڒَا ذِين شَان يِجّن جَارَاوم يفَرّح، ئِتْخصَّا-يَاس اَذ يغنّج إِ أَربِّـي. ¹⁴ مڒَا ذِين شَان يِجّن جَارَاوم يتْنزْبَار، ئِتخصَّا-يَاس اَذ د يڒَاغَا خ يمقّْرَانن ن جْمَاعْث ن ڒْمُوْمِنِين اَخَاس ࢲَّادْجن اَث دهْنن س زّشْت س يِيسم ن سِيذِيثْنغ. ¹⁵ أُو ثْࢲَادْجِيث نِّي ثنِّي يتْقدَّامن س لْإِيمَان اَذ تسْݣنْفَا ونِّي يدْجَان عِيَّان. سّنِّي سِيذِيثْنغ اَث يسْبدّ. مڒَا يݣَّا ڒْمُعْصِيّث، أَذَاس يغْفَر. ¹⁶ عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس. ¹⁷ تُوْغَا نَّبِي إِلْيَاس نتَّا ذ بْنَاذم اَم نشِّين، ئِتْࢲَادْجَا اَطَّاس حمَا وَار يشِّيث بُو ونْࢲَار. ئِكَّا ثڒْت سْنِين ذ وزْين وَار يُوْوْثِي بُو ونْࢲَار خ ثْمُوْرْث. ¹⁸ منْبَعْد عَاوذ يࢲُّوْدْج، يُوْوْثَا ونْࢲَار خ ثْمُوْرْث ثصْڒَاح ثْفدْجَاحْث نّس. ¹⁹⁻²⁰ آي أَيثْمَا، شَان يِجّن زَّايْوم يفّغ اَبْرِيذ ن لْحَقِيقَا. مڒَا يَارِّي-ث-يد شَان يِجّن نّغْنِي، ئِتْخصَّا-كنِّيو ٱذ تسّْنم بلِّي ونِّي إِي ثِيذ يَارِّين زݣ وبْرِيذ نّس ن ڒْبَاطڒ اَتَاف يسنْجم-يث زِي ڒفْنَا نّس اَتَاف اَذ تْوَاغْفَرنْت اَطَّاس ن ڒْمُعْصِيَاث.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.