لْكَنيسة تِّيش سْتْضحيَاث

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

³² جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن. ³³ شهّْذن اَرُّسُل س يِجّن ن جّْهذ ذ اَمقّْرَان خ لْقِيَامَا إِي يݣَّا سِيذِيثْنغ عِيْسَى وَامِي يكَّر زِي ڒْموْث. أَربِّـي يݣَّا خَاسن مَارَّا يجّن ن لْبَرَكَا ثمْغَار. ³⁴ وَار يدْجِي ؤُڒَا ذ يجّن زَّايْسن مَا يحْذَاج. لِأَنَّا يِنِّي إِي غَار يدْجَا ثِمُوْرَا ذ ثُوْذْرِين تْرَاحن زْنُوْزَان-ثنْت تَاوِين-د تْمنْيَاث نِّي، ³⁵ سْرُوْسَان-ثنت غَار يضَارن ن اَرُّسُل تْفرَّاقنْت-ثنْت عْلَاحْسَاب مْكُڒ يجّن مِين يحْذَاج. ³⁶ ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص. ³⁷ ئِكَّر يزّنْز يجّن ن ثْمُوْرْث إِي غَارس، يُوْوِي-د تْمنْيَاث نِّي يسرْس-يثنْت غَار يضَارن ن اَرُّسُل.

¹ فَا آي أَيثْمَا، نخْس اَذ تسّْنم خ اَرْضَا نِّي إِي ذَاسنْت يُوْشَا أَربِّـي إِ ثْجُوْمَاع ن ڒْمُوْمِنِين إِݣ يدْجَان ذِي لْإِقْلِيم ن مَاسِدُوْنْيَا. ² ثكَّا خَاسن يجّن ن ڒْمِحْنث ذ ثَمقّْرَانْت ثقْسح خَاسن اَطَّاس. وَاخَّا نِثْنِي ذ يپُـوْبْرِيثن وَار غَارْسن وَالُو وَلَكِن نِثْنِي ڒفْرَاحث نْسن ثمْغَر. زِي مَانَاينِّي إِي زِي تفّغ يجّن ن صَّذَاقَا ذ ثَمقّْرَانْت اَطَّاس. ³ أَقَا نش شهّْذغ صدّْقن س مِين زمَّرن اَذ ؤُشن، قَا ذ صَّح صدّْقن كْتَار زِي مِين زمَّرن. ݣِّين مَانَايَا س ڒْخَاضَر نْسن وَاحذْسن، ⁴ تَّارن زَّايْنغ س وُوْڒ نْسن اَذ عَاوْنن س ڒْخِير-أَ ڒْمُوْمِنِين صَّالِحِين إِي يدْجَان ذِي ثنْدِينْت ن لْقُدْس. ⁵ نشِّين نذْهش وَامِي ݣِّين مَانَاينِّي. عْلَاحْسَاب مِين يخس أَربِّـي سلّْمن ذ اَمزْوَارُو ڒْخَاضَر نْسن إِ سِيذِيثْنغ أُو عَاذ سلّْمن-ث إِ نشِّين. ⁶ أَمنِّي إِي نْوصَّا تِيتُوْس وَامِي تُوْغَا يبْذَا يجمّع زِي قْبڒ ڒْخِير ن صَّذَاقَا-يَا زَّايْوم، ڒخُّو نْوصَّا-ث اَت يكمّڒ. ⁷ كنِّيو تݣّم زْيَادَا ذِي مَارَّا ثِمسْڒَايِين، يعْنِي ذِي لْإِيمَان نْوم ذ لْخُطْبَا نْوم ذ ثُوْسْنَا نْوم ذ مَامّش إِي تْحَوَاڒم س وُوْڒَاون نْوم أُو ذ ڒمْحِبّث نْوم إِ نشِّين. أَمُّو إِي غَا ثݣّم مْلِيح اَطَّاس ذِي ڒْخِير ن صَّذَاقَا-يَا عَاوذ. ⁸ وَار قَّارغ شَا مَانَايَا ذ يج ن ڒُوْصِيّث؛ نش رزُّوْغ اَذ جَرّْبغ لْحَقِيقَا ن ڒمْحِبّث نْوم يعْنِي تْشَابَّاهغ مِين تݣّم كنِّيو اَك مَامّش تْحَوَاڒن يِوْذَان نّغْنِي س وُوْڒَاون نْسن ذِي ڒْخذْمث-أَ. ⁹ أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح. ¹⁰ ڒخُّو نش اَذَاوم ؤُشغ اَرَّاي ينُو ذِي مَانَايَا، أَزَّايس ثَاوِيم نّْفَع. أَزذْغَاث كنِّيو إِݣ يصدّْقن ذ يمزْوُوْرَا؛ أُو كنِّيو عَاوذ ذ يمزْوُوْڒَا إِي ثخْسم اَذ تݣّم مَانَاينِّي. ¹¹ ڒخُّو أُو لَابُد اَذ تْكمّْڒم شّْغڒ-أَ س مِين ثْزمَّرم اَذ تْصدّْقم. يعْنِي مِين ثبْذَام س وُوْڒَاون نْوم، إِيوَا عَاوذ كمّْڒم-ث. ¹² لِأَنَّا بْنَاذم مڒَا س ڒْخَاضَر نّس، مِين غَا يصدّق اَذ يتْوَاقْبڒ. وَلَكِن عْلَاحْسَاب مِين غَارس ذ اَݣْڒَا مَاشِي عْلَاحْسَاب مِين وَار غَارس. ¹³ شُوْف، نشِّين مَا نْرزُّو اَذ تُوْشم فُوْس إِ يِوْذَان نّغْنِي، أَخَاوم يبسّڒ دْقڒ؟ لَّا، نْرزُّو مْكُڒ يجّن اَغَارس يِيڒِي ڒْحَقّ نّس نِيشَان. ¹⁴ ذِي ڒْوقْث-أَ ثَانِيتَا مِين ذَاوم غَا يشطّن ذ اَݣْڒَا اَذ ينْفع إِ مِين تحْذَاجَان نِثْنِي. منْبَعْد، مِين ذَاسن غَا يشطّن اَذ ينْفع إِ مِين تحْذَاجَام كنِّيو. أَمُّو إِي غَا يِيڒِي ڒْحَقّ نّس نِيشَان إِ مْكُڒ يجّن. ¹⁵ مَامّش يقَّار لْكِتَاب: "ونِّي يسْمُوْنن اَطَّاس وَار ذَاس يتْشطِّي وَالُو، ونِّي يسْمُوْنن ذْرُوْس وَار ذَاس يتْخصِّي وَالُو."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.