لْكَنيسة وَارْثسخرقش خسيذي ربي

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ ئِكَّر يِجّن ن ورْيَاز قَّارن-اَس أَنَاس ثَمْغَارث نّس قَّارن-اَس سَافُوْرَا، ئِرُوْح يزّنْز يجّن ن ثْمُوْرْث نّس. ² يُوْوِي-د تْمنْيَاث، شَا يسْنُوْفَّر-يثنْت غَارس، شَا يُوْوِي-ثنْت يسرْس-يثنت غَار يضَارن ن اَرُّسُل. ثَمْغَارث نّس ثَرْݣب قَاع خ مَانَاينِّي. ³ ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟ ⁴ ثَمُوْرث نِّي تُوْغَا ثدْجَا نّش مَارَّا قْبڒ إِي ت غَا ثزّنْزذ؟ وَامِي ثْزّنْزذ ثَمُوْرْث نِّي، تْمنْيَاث نِّي مَارَّا دْجَانْت نّش كُلْشِي." ينَّا-ٱس: "مَايمِّي ثنْوِيذ ذݣ وُوْڒ نّش مَانَايَا؟ قَا وَار يدْجِي ثسْخرّْقذ خ يِوْذَان، قَا ثسخرّْقذ خ أَربِّـي." ⁵ وَامِي يسْڒَا أَنَاس إِ وَاوَاڒ نِّي، ئِوْضَا غَار ثْمُوْرْث يمُّوْث ذِنِّي. ئِوْذَان مَارَّا إِي د يارِّين ڒخْبَار-أَ ݣّْوْذن اَطَّاس. ⁶ ؤُسِين-د شَّبَاب كفّْنن أَنَاس س ڒشْفن ؤُوِين-ث نضْڒن-ث. ⁷ عْذُوْنْت شَان ثْڒَاثَا ن ثْسَعَّاثِين ثُوْسَا-د ثمْغَارْث ن أَنَاس وَار د ثَارِّي بُو ڒخْبَار خ مِين يوقْعن. ⁸ ئِنْدق-د بُطْرُس ينَّا-ٱس: "إِن-اَيي، مَا ٱنِشْتُوْيَا وَاهَا إِي زِي ثزّنْزم ثَمُوْرْث نِّي؟" ثنَّا-ٱس نتَّاث: "وَاه، أَنِشْتُوْيَا وَاه." ⁹ ينَّا-ٱس بُطْرُس: "مَايمِّي ثْتَافْقم اَذ تْزَعْمم اَذ تࢲرم اَرُّوْح ن سِيذِي أَربِّـي مِين غَا يݣّ؟" ينَّا-ٱس: "يِنِّي ينضْڒن اَرْيَاز نّمْ ذوْڒن-د اَقَاثن غَار ثوَّارْث، أَشم يْسِين ؤُڒَا ذ شم." ¹⁰ صَافِي ثوْضَا ڒخْدّنِّي، ثمُّوْث ذِنِّي غَار يضَارن ن بُطْرُس. ؤُذْفن شَّبَاب نِّي ؤُفِين-ت ثمُّوْث، يْسِين-ت نضْڒن-ت اَݣ وغزْذِيس ن ورْيَاز نّس. ¹¹ مَارَّا جْمَاعث ن ڒْمُوْمِينِين ذ مَارَّا يِنِّي يسْڒِين خ مَانَايَا ݣّْوْذن اَطَّاس.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.