لْكَنيسة ثخدَّام أكَّ ينْضَانْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

³¹ خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا. ³² أَذ نْجمْعن مَارَّا يوْذَان زَّاثس، أَذ يعْزڒ يوْذَان يجّن زݣ ونّغْنِي اَمشْنَاو مَامّش ونِّي يَروّْسن ڒبْهَايم يتعْزَاڒ يحُوْڒِيْين زِي ثْغَاطِين. ³³ ئِحُوْڒِيْين اَثن يݣّ خ وفُوْسِي، ثِغَاطِين اَثنْت يݣّ خ وࢲڒْمَاض. ³⁴ ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت. ³⁵ ڒَاحقَّاش ثُوْفِيم-اَيِي دْجُوْزغ ثْسّشم-اَيِي. ثُوْفِيم-اَيِي فُّوْذغ ثْسسّْوم-اَيِي. ثُوْفِيم-اَيِي ذ اَغْرِيب ثْسزْذْغم-اَيِي. ³⁶ ثُوْفِيم-اَيِي ذ اَعَرْيَان ثݣِّيم-اَيِي اَرُّوْض. ثُوْفِيم-اَيِي هڒْشغ ثْبدّم اَكِذِي. ثُوْفِيم-اَيِي تْوَاحبّْسغ ثݣِّيم-د غَارِي زِّيَارَا. ³⁷ أَث جَاوْبن يصبْحَانن نِّي اَذَاس ينِين: آ سِيذِي، نشِّين مڒْمِي ش نُوْفَا ثدْجُوْزذ، نْسشّ-يش؟ نِغ ثفُّوْذذ، نْسسّو-يش؟ ³⁸ مڒْمِي ش نُوْفَا ذ اَغْرِيب، نْسزْذغ-يشك؟ نِغ ذ اَعَرْيَان، نݣَّا-ٱش اَرُّوْض؟ ³⁹ مڒْمِي ش نُوْفَا ثْهڒْشذ نِغ ذ اَمحْبُوْس، نُوْسَا-د غَارك؟ ⁴⁰ أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش. ⁴¹ ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس! ⁴² ڒَاحقَّاش ثُوْفِيم-اَيِي دْجُوْزغ، وَار ذَايِي ثْسشّم شَا. ثُوْفِيم-اَيِي فُّوْذغ، وَار ذَايِي ثْسسّْوم شَا. ⁴³ ثُوْفِيم-اَيِي ذ اَغْرِيب، وَار ذَايِي ثْسزْذْغم شَا. ثُوْفِيم-اَيِي ذ اَعَرْيَان، وَار ذَايِي ثݣِّيم بُو وَارُّوْض. ثُوْفِيم-اَيِي هڒْشغ تْوَاحبّْسغ، وَار غَارِي د ثݣِّيم بُو زِّيَارَا! ⁴⁴ أَث جَاوْبن ؤُڒَا ذ يِنِّي يدْجَان خ وࢲڒْمَاض اَذَاس ينِين: آ سِيذِي، نشِّين مڒْمِي ش نُوْفَا ثدْجُوْزذ نِغ ثفُّوْذذ نِغ ذ اَغْرِيب نِغ ذ اَعَرْيَان نِغ ثْهڒْشذ نِغ ثتْوَاحبْسذ أُو نشِّين وَار ش نْعِيون شَا؟ ⁴⁵ أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين وَار ثݣِّيم شَا إِ يِجّن ن وُوْمَا ذ اَمزْيَان زݣ أَيثْمَا، وَار ذَايِي ت ثݣِّيم شَا إِ نش. ⁴⁶ أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين گي لكنيسة؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.