ارْقوياذ سْمَارْنْ إيوْذانْ مينْ إيعْنَا لمسيح

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹⁹ ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟ ²⁰ يَحْيَى وَار يِنْكَر شَا يخف نّس، يعْتَرف-اَسن ينَّا-ٱسن: "نش وَار دْجِيغ شَا ذ لْمَسِيح." ²¹ نَّان-اَس: "ئِي مِين ثعْنِيذ، مَا ذ نَّبِي إِلْيَاس؟" ينَّا-ٱسن: "مَاشِي ذ نش." نَّان-اَس: "شك، مَا ذ نَّبِي إِي قَّارن اَذ د يَاس؟" ينَّا-ٱسن: "لَّا." ²² نَّان-اَس: "ئِي شك، مِين ثعْنِيذ؟ حمَا أَ نَاف مِين غَا نِينِي إِ يِنِّي إِي ذَانغ د يسّكّن، مِين ثقَّارذ خ يِيخف نّش؟" ²³ يَارَّا خَاسن س وَاوَاڒ ن نَّبِي ؤُمِي قَّارن إِشَعْيَا ينَّا قْبڒ: "نش ذ ثْمِيْجَّا يتْڒَغَان ذِي ڒخْڒَا ثقَّار: سْوجْذث اَبْرِيذ نِيشَان إِ سِيذِي أَربِّـي." ²⁴ يِنِّي إِي غَارس د يسّكّن نِثْنِي زِي ڒْحِزب ن يفَرِّيسِيْين. ²⁵ نَّان-اَس: "مڒَا شك وَار ثدْجِيذ شَا ذ لْمَسِيح نِغ ذ إِلْيَاس نِغ ذ نَّبِي إِي د غَا يَاسن، مَايمِّي شك تْطهَّارذ إِ يوْذَان س وَامَان؟" ²⁶ ئِنْدق-د يَحْيَى ينَّا-ٱسن: "نش تْطهَّارغ إِ يوْذَان س وَامَان، وَلَكِن ذَانِيتَا يجّن ذِي ڒْوسْط نْوم وَار ث ثسِّينم شَا. ²⁷ ذ نتَّا إِي د غَا يَاسن منْبَعْد إِ نش، وَار سْذِيهِيدْجغ اَذَاس فسْيغ ؤُڒَا ذ يفِيڒَان ن ثْسِيڒَا نّس." ²⁸ مَارَّا مَانَايَا يوْقع ذݣ وبِيلَاج ن بَيْت عَنْيَا اَجمَّاض إِ يِغْزَار ن لْأُرْدُن مَانِي إِݣ يتْطهَّار يَحْيَى إِ يِوْذَان س وَامَان. ²⁹ ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا. ³⁰ ذ وِين إِي خف تُوْغَا سِّيوْڒغ نِّيغ-اَوم: أَذ د يَاس منْبَعْد إِ نش يجّن ن ورْيَاز، وَلَكِن نتَّا يمْغَر خَافِي مِينْزِي تُوْغَاث قْبَڒ مَا ٱذ يِڒِيغ نش. ³¹ تُوْغَا نش س يِيخف ينُو وَار ث سِّينغ شَا مِين يعْنَا، وَلَكِن ؤُسِيغ-د اَذ طهَّارغ إِ يوْذَان س وَامَان حمَا اَذَاسن د يبَان نتَّا إِ أَيث-إِسْرَائِيل." ³² يَحْيَى يشْهذ خَاس ينَّا: "ࢲْرِيغ أَرُّوْح ن أَربِّـي يهْوَا-د زݣ وجنَّا يݣَّا اَم يِجّن ن ثذْبِيرْث ثْمَارْس خ عِيْسَى. ³³ تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن. ³⁴ نش ࢲْرِيغ مَانَايَا س يِيخف ينُو، شهّْذغ خَاس بلِّي نتَّا ذ مِّيس ن أَربِّـي." ³⁵ ثِيوشَّا نّس عَاوذ يبدّ ذِنِّي يَحْيَى اَك ثْنَاين ن يمحْضَارن نّس. ³⁶ وَامِي يُوْفَا عِيْسَى يعْذُو سّنِّي ينَّا-ٱسن: "خْزَرم، ذ وِين ذ يزْمَار إي د يسّكّ أَربِّـي." ³⁷ كَّرن ثْنَاين نِّي ن يمحْضَارن وَامِي ذَاس سْڒِين يسَّاوَاڒ خ عِيْسَى، ذْفَارن-ث.

²⁶ ؤُسِين-د غَار يَحْيَى نَّان-اَس: "آ لْمُعَلِّم، ونِّي تُوْغَا اَكِذش يدْجَان اَجمَّاض إِ يِغْزَار ن لْأُرْدُن أُو شك ثْشهْذذ خَاس، نتَّا يتْطهَّار إِ يِوْذَان س وَامَان ݣُّوْرن غَارس مَارَّا." ²⁷ ينَّا-ٱسن يَحْيَى: "وَار يزمَّر بْنَاذم اَغَارس ثِيڒِي شَان ثْمسْڒَايْث مڒَا وَار ذَاس د تُوْسِي شَا زِي أَربِّـي. ²⁸ كنِّيو س يِيخف نْوم ثْشهْذم قَا نِّيغ-اَوم: نش وَار دْجِيغ شَا ذ لْمَسِيح؛ لَّا، تْوَاسّكّغ-د قْبڒ إِ نتَّا. ²⁹ ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس. ³⁰ أُو لَابُد نتَّا اَذ يمْغَر، نش اَذ نقْصغ."

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.