أرْقوياذ تْحكامَنْ سْرْحق

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹ وَار تْعيَّابم حَدّ حمَا وَار كنِّيو يتْعيِّيب شَا أَربِّـي. ² مَامّش غَا ثْعيّْبم اَمنِّي إِ كنِّيو إِي غَا يعيّب أَربِّـي. ڒَعْبَر نِّي إِي ثْسخْذَامم ذ ونِّي إِي كِذْوم غَا يسخْذم أَربِّـي. ³ مَايمِّي تْسحْقَرذ شْوَايْت ن ؤُڒُوْم إِݣ يدْجَان ذِي ثِيطّ ن وُوْمَاش، شك تتُّوْذ اَكشُّوْض إِݣ يدْجَان ذِي ثِيطّ نّش؟ ⁴ مَامّش تݣّذ ثْزعّْمذ اَذ تِينِيذ إِ وُوْمَاش: اجَّا-ٱيِي اَذَاش د كّْسغ ڒُوْم-أَ إِݣ يدْجَان ذِي ثِيطّ نّش، شك عَاذ تجِّيذ اَكشُّوْض ذِي ثِيطّ نّش؟ ⁵ آ لْمُنَافِق، كّس ذ اَمزْوَارُو اَكشُّوْض زِي ثِيطّ نّش. عَاذ إِي غَا ثتْوَاڒِيذ مْلِيح حمَا اَذ تكّْسذ ڒُوْم زِي ثِيطّ ن وُوْمَاش.

¹⁵ حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن. ¹⁶ أَثن ثسّْنم س ڒفْعَايڒ نْسن. مَا زمَّرن يِوْذَان اَذ ڒقْذن ثَازَارْث زݣ يسنَّانن، نِغ اَذ كّْسن اَضِيڒ زِي ثْزݣّْوَارْث؟ ¹⁷ ثَشجَّارْث ثَصبْحَانْت تَارو مِين يدْجَان ذ اَصبْحَان. ثَشجَّارْث ثَعفَّانْت تَارو مِين يدْجَان ذ اَعفَّان. ¹⁸ ثَشجَّارْث ثَصبْحَانْت وَار تِيْرو شَا مِين يدْجَان ذ اَعفَّان. ثنِّي ثَعفَّانْت وَار تِيْرو شَا مِين يدْجَان ذ اَصبْحَان. ¹⁹ مَارَّا ثَشجَّارْث إِي وَار يتِيْرْون شَا مِين يدْجَان ذ اَصبْحَان اَذ تْوَاقسّ اَذ تْمنْضَار ذِي ثْمسِّي. ²⁰ أَمُّو س ڒفْعَايڒ نْسن إِي غَا ثسّْنم يِنِّي يتَارَّان يخف نْسن ذ لْأَنْبِيَا. ²¹ مَاشِي مَارَّا يِنِّي إِي ذَايِي يقَّارن آ سِيذِي آ سِيذِي اَذ اَذْفن غَار ڒْمُلْك وجنَّا؛ لَّا، وَار ث تِيذْفن شَا إِلَّا يِنِّي يتݣّن مِين يخس بَابَا إِݣ يدْجَان ذݣ وجنَّا. ²² ذِي يُوْم لْحِسَاب ذ لْعِقَاب اَطَّاس إِي ذَايِي غَا ينِين: آ سِيذِي آ سِيذِي، يَاك س لْحِكْمَا ن يِيسم نّش إِي زِي تُوْغَا نْسڒْمَاذ إِ يِوْذَان؟ يَاك س لْحِكْمَا ن يِيسم نّش إِي زِي تُوْغَا نْسُوْفُوْغ جْنُوْن؟ يَاك س لْحِكْمَا ن يِيسم نّش إِي زِي تُوْغَا نْتݣّ ڒَعْجَايب؟ ²³ ڒخْدّنِّي اَذَاسن ينِيغ: تُوْغَايِي نش عمَّارْص وَار كنِّيو سِّينغ شَا. بعّْذث خَافِي آ يِنِّي يتݣّن شَّرّْ!

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.