أرْقوياذ نْثنينْ مَاعْقولينْ إيدجانْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹⁴ نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِڒَاغَا-د إِ يخدَّامن نّس يكلّف-يثن خ وَاݣْڒَا نّس. ¹⁵ يُوْشَا-ٱسن عْلَاحْسَاب مِين ؤُمِي زمَّرن. يْجّن يَوْشَا-ٱس خمْسَاڒَاف ن ڒُوْزْنَاث ن نُّقَارْث. يْجّن يُوْشَا-ٱس اَڒفَاين. يْجّن يُوْشَا-ٱس اَڒَاف. سّنِّي يرُوْح نتَّا اَذ يسَفر. ¹⁶ ڒخْدّنِّي يكَّر ونِّي ؤُمِي يُوْشَا خمْسَاڒَاف ن ڒُوْزْنَاث يݣَّا زَّايْسنْت تِّجَارَا، يرْبح خمْسَاڒَاف نّغْنِي. ¹⁷ أَمنِّي يݣَّا ؤُڒَا ذ ونِّي ؤُمِي يُوْشَا اَڒفَاين، يرْبح اَڒفَاين نّغْنِي. ¹⁸ وَلَكِن ونِّي ؤُمِي يُوْشَا اَڒَاف ن ڒُوْزْنَاث، ئِرُوْح نتَّا يغْزَا ذِي ثْمُوْرْث يسْنُوْفَّر تْمنْيَاث ن سِيذس. ¹⁹ وَامِي ثعْذُو خَربِّي ن ڒْوقْث، ئِذْوڒ-د سِيذِيثْسن يتݣّ اَكِذْسن ڒحْسَاب. ²⁰ ئِقَارّب-د ونِّي ؤُمِي يُوْشَا خمْسَاڒَاف ن ڒُوْزْنَاث، يَرْنِي-يَاس اَكِذْسنْت خمْسَاڒَاف نّغْنِي. ينَّا-ٱس إِ سِيذس: آ سِيذِي، ثُوْشِيذ-اَيِي شك خمْسَاڒَاف ن ڒُوْزْنَاث، نش ؤُوِيغ-د خمْسَاڒَاف نّغْنِي. ²¹ ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش. ²² عَاوذ يقَارّب-د وخدَّام نِّي ؤُمِي يُوْشَا اَڒفَاين ن ڒُوْزْنَاث ينَّا-ٱس إِ سِيذس: آ سِيذِي، ثُوْشِيذ-اَيِي شك اَڒفَاين ن ڒُوْزْنَاث، نش ؤُوِيغ-د اَڒفَاين نّغْنِي. ²³ ينَّا-ٱس سِيذس: ثݣِّيذ مْلِيح، آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش. ²⁴ ئِقَارّب-د ونِّي ؤُمِي يُوْشَا اَڒَاف ن ڒُوْزْنَاث ينَّا-ٱس إِ سِيذس: آ سِيذِي، نش سّْنغ شك ذ يجّن ن بْنَاذم ثقْسْحذ. ثْمجَّارذ مَانِي وَار ثْزرّْعذ شَا، ثْكسِّيذ مِين وَار تࢲُّوْذ شَا. ²⁵ ݣّْوْذغ زَّايك، رُوْحغ سْنُوْفَّرغ تْمنْيَاث نّش ذِي ثْمُوْرْث، أُو اَقَاش تْمنْيَاث نّش. ²⁶ ئِنْدق-د سِيذس ينَّا-ٱس: آي اَخدَّام اَمْشُوْم، آي اَفنْيَان! إِيوَا ثسّْنذ بلِّي نش مجَّارغ مَانِي وَار زرّْعغ، كسِّيغ مِين وَار تࢲُّوْغ. ²⁷ مَايمِّي وَار ثجِّيذ تْمنْيَاث ينُو غَار يصَرَّافن، أَتَاف نش اَذ د اَسغ اَذ يْسِيغ تْمنْيَاث ينُو ذ ڒفْضڒ اَكِسنْت؟ ²⁸ أُوشَا ينَّا-ٱسن إِ يخدَّامن نّس: كّْسم-اَس اَڒَاف ن ڒُوْزْنَاث نِّي إِ وَانِيتَا، اَرْنِيم-ثنْث إِ ونِّي غَار يدْجَا عشْرَاڒَاف. ²⁹ وَاه، ونِّي يدْجَان غَارس يتْمَارْنِي-يَاس، أَغَارس يِيڒِي اَطَّاس. ونِّي وَار غَار يدْجِي شَا، يتْوَاكْسِي-يَاس ؤُڒَا ذ مِين غَارس. ³⁰ أَخدَّام-أَ إِي ذِي وَار يدْجِي نّْفَع، نْضَرم-ث بَارَّا غَار ثَادْجسْت. ذِنِّي إِي غَا يڒِين يمطَّاون ذ وغࢲَّاࢲ ن ثغْمَاس.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.