أرْقوياذ تْوَصلْنْ أكذ ثقافاث نْضَانْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

¹⁶ بُوْلُس وَامِي تُوْغَا يتْرَاجَا سِيَلَاس ذ تِيْمُوْتَاوُس ذِي ثنْدِينْت نِّي ن ؤُتِينَا يتْوَاڒَا ثَنْدِينْت نِّي ثْعمَّر س لْأَصْنَامَاث وَار ذَاس يعْجِيب بُو ڒْحَاڒ. ¹⁷ ئِتمْنَاقَاش ذِي ثمْزِيذَا اَك يسْرَائِيلِيْين ذ ينّغْنِي يتݣّْوْذن أَربِّـي، ئِتمْنَاقَاش عَاوذ اَك يِنِّي إِي كذ يتمْسڒْقَا كُڒ نْهَار ذِي سَّاحَا ن ثنْدِينْت. ¹⁸ شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا. ¹⁹ ؤُوِين بُوْلُس ندْهن-ث غَار لْمَجْلِس نْسن ؤُمِي قَّارن أَرْيُوْبَاݣُوْس نَّان-اَس: "نْرزُّو أَ نسّن تَّعْلِيم-أَ ن جْذِيذ إِي زِي ثْسڒْمَاذذ شك. ²⁰ ثِمسْڒَايِين-أَ نتْعجّب ذَايْسنْت، عمَّارص وَار نسْڒِي خ مِين ثقَّارذ شك. نخْس أَ نسّن ڒْمَعْنَا نْسنْت." ²¹ (إِيوَا مَارَّا يمزْذَاغ ن ؤُتِينَا نِغ ذ ڒْبَارَّانِي إِي ذَايس يزذْغن سْعدُّوْن مَارَّا ڒْوقْث نْسن ذݣ وَاوَاڒ نِغ ذݣ وصنّط ن شَان ڒْحَاجث ذ جْذِيذ.) ²² ڒخْدّنِّي يبدّ بُوْلُس ذِي ڒْوسْط ن لْمَجْلِس ينَّا-ٱسن: "آي يرْيَازن ن ؤُتِينَا، نش تْوَاڒِيغ كنِّيو ثْشغْڒم اَطَّاس ذِي دِّين. ²³ أَخْمِي تْسَارِيغ نش، خزَّرغ مْلِيح ذِي زَّاوْيَاث نْوم مَانِي ثْعبّْذم. ࢲْرِيغ ذِنِّي يجّن ن ڒْمذْبَح ؤُرِينْت ذَايس ثِيْرَا، ثِيْرَا نِّي قَّارنْت: أَربِّـي نِّي إي وَار يتْوَاسّْنن شَا. شُوْف، أَربِّـي نِّي إِي ثْعبّْذم كنِّيو وَار ث ثسِّينم شَا، أَذَاوم ينِيغ نش مِين يعْنَا. ²⁴ ئِخْڒق-د دُّنشْت-أَ ذ مَارَّا مِين ذَايس، نتَّا ذ سِيذِي أَربِّـي ن وجنَّا ذ ثْمُوْرْث. وَار يزدّغ شَا ذِي زَّاوْيَاث نِّي إِݣ بنَّان يِوْذَان س يفَاسّن نْسن. ²⁵ وَار خَاس تْسخِّيرن شَا يفَاسّن ن بْنَاذم، نتَّا وَار يتحْذِيجِي وَالُو. ذ نتَّا إِي د يتِيشّن إِ مَارَّا يوْذَان ثُوْذَارْث ذ بُوْحْبڒ ذ مَارَّا ثِمسْڒَايِين نّغْنِي. ²⁶ زݣ يِجّن ن بْنَاذم إِي زِي د يخْڒق مَارَّا ڒݣْنُوْس بَاش اَذ زذْغن ذِي دُّنشْت-أَ اَمن-ثكْمَاڒ. ئِحدّ-اَسن نْهُوْرَاث ن تَّارِيخ نْسن ذ مَانِي إِي غَا زذْغن. ²⁷ يݣَّا-ٱسن اَمُّو أَربِّـي حمَا يوْذَان اَخَاس رْزُوْن اَغَارس سْوِيزّْذن س يفَاسّن نْسن اَث اَفن. إِنَّمَا، نتَّا كُڒ يجّن زَّايْنغ وَار خَاس يݣّْوِيج شَا. ²⁸ زَّايس نتَّا إِي ندَّر، زَّايس نتَّا إِي نْتنْهزَّا، زَّايس نتَّا إِي ندْجَا. مَامّش نَّان ؤُڒَا ذ ڒبْعَاض ن شُّعَرَاء نْوم قَا نشِّين ذ ثَارْوَا نّس. ²⁹ شُوْف، نشِّين مڒَا ذ ثَارْوَا ن أَربِّـي، ئِتْخصَّا-يَانغ وَار نتْفكِّير شَا بلِّي ونِّي يُوْعْڒَان قَا نتَّا اَم دّْهب نِغ اَم نُّقَارْث نِغ اَم وزْرُو. أَربِّـي وَار يدْجِي شَا ذ لْأَصْنَام إِݣ يتْصنَّاع بْنَاذم س لْفِكْرَا نّس ذ ثْزمَّار نّس. ³⁰ مَانَايَا أَربِّـي وَار ت يُوْوِي شَا ذِي زْمَان ن ڒقْفَاڒث، وَلَكِن ڒخُّو يُوْمَر مَارَّا يوْذَان ذِي مْكُڒ اَمْشَان بَاش اَذ تُوْبن. ³¹ مَايمِّي؟ أَربِّـي يزمّم يجّن ن نْهَار إِي ذِي غَا يحَاسب مَارَّا يوْذَان س ڒْحَقّ خ وفُوْس ن بْنَاذم نِّي إِݣ يخْضَر. يُوْشَا-ٱسن دَّلِيل إِ مَارَّا يوْذَان خ مَانَايَا وَامِي ثِيذ يسكَّر زِي ڒْموْث." ³² يِيْنَا وَامِي تسْڒَان خ يِوْذَان اَذ د كَّرن زِي ڒْموْث ذِي لْقِيَامَا ضحْشن ڒبْعَاض خَاسن، وَلَكِن ڒبْعَاض نّغْنِي نَّان-اَس قَا نشِّين نخْس اَذَاش نْصنّط ثْوَاڒَا نّغْنِي خ مَانَايَا. ³³ سّنِّي يفّغ بُوُلُس زِي ڒْوسْط نْسن. ³⁴ ڒبْعَاض زَّايْسن ؤُمْنن مُوْنن اَك بُوْلُس. زَّايْسن دِيُوْنِيسْيُوْس زِي لْمَجْلِس ن أَرْيُوْبَاݣُوْس ذ يِجّن ن ثمْغَارْث قَّارن-اَس دَامَارِيس ذ ينّغْنِي اَكِذْسن.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.