أرْقوياذ غاسْنْ الإيمَانْ ذ صبارْ

زݣ وامي نمسرقا ثوارت ثنݣاروت، من تعنى رحاجث إيشييجين أتشكاض؟

مين تعنى رحاجث إيشيسخيقن سيمانايا، إ مين تحراجيذ حوما أذيتواحسن رحار؟

مين تعنانت ثيمسرايين إ تحذاجان إيوذان ݣي المجتمع إينك؟ موخاس غانغ أنعاون أياويا ݣي مين إيتخسان ميخف نمهاواض؟

مين تعنانا ثيغوري ثنݣاروت زݣ وامي نمسرقا؟ مين نرمذ خ سيدي أربي ذ إيوذان؟

ݣو أمسرقي انݣارو، شك ثقرض أتطبقض مين ثرمذذ. مين تݣيذ إ موخ إيعذا؟

أوݣمي ثشاركذ شين حاجث زݣي ثيغوري ثانݣاروت؟ موخ إيستاجبن؟

نشنين نحدد أطاس ن لإحتياجات ݣو أمسرقي أنݣارو. نخطط حوما أنلبى لإحتياجات. موخ إيعذا؟

روخا، أواحيث أنسدج إ إيجن ثيغوري ذ جذيذ زݣي سيدي أربي...

² آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين. ³ كنِّيو ثسّْنم مَارَّا ڒمْحَاين-أَ إِي ثْسعْذُوْم عْلَاحْسَاب لْإِيمَان نْوم تَاوِينْت-يد صّْبَار. ⁴ أُو لَابُد صّْبَار-أَ اَذَايْوم يكمّڒ شّْغڒ نّس حمَا ٱذ تمْغَارم اَذ تْعمَّرم س لْإِيمَان وَار ذَاوم ثْنقِّيص ؤُڒَا ذ يجّن ن ڒْحَاجث. ⁵ مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ. ⁶ وَلَكِن مَانَايَا يتْخصَّا-يَاس اَذَاس ث يتَّار س لْإِيمَان بْڒَا مَا ٱذ يشكّ ڒَاحقَّاش ونِّي يتْشكَّان يݣَّا اَم ڒْمُوْجث ن ڒبْحَر يسْهَاجَا-ت اَرِّيح يتَاوِي-ت يتَارَّا-ت-يد. ⁷ بْنَاذم-أَ يتْخصَّا-يَاس وَار يتْفكِّير شَا بلِّي سِيذِي أَربِّـي اَذَاس يُوْش شَان ڒْحَاجث. ⁸ ئِتْشكَّا، كُڒ ڒَعْقڒ نّس مِين ذَاس يقَّار منْبَعْد يتْذوَّاخ ذݣ يبْرِيذن نّس مَارَّا. ⁹ فَا يتْخصَّا-يَاس إِ ڒْمسْكِين إِݣ يُوْمْنن اَذ يفْتَخَر مِينْزِي يسْݣَعّذ-يث أَربِّـي. ¹⁰ ئِتْخصَّا-يَاس إِ تَّاجَر إِݣ يُوْمْنن اَذ يفْتَخَر مِينْزِي نتَّا يسهْوَا-ث أَربِّـي، ڒَاحقَّاش تَّاجَر يݣَّا اَم نْوَار ن اَرْبِيع وَار يتْدُوْمِّين شَا. ¹¹ تْسُوْمَّار-د ثْفُوْشْت، س ڒحْمُو نّس يسّشْمَاضن ثْسَازَّاغ اَرْبِيع، ئِوطَّا نْوَار نّس يتْرَاح زِّين نّس. أَمُّو إِي ذَاس يتوْقِيع إِ تَّاجَر-أَ، نتَّا يتِيْسْرَاو اَخْمِي يخدّم شّْغڒ نّس. ¹² سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان. ¹³ مڒَا يتْوَاغَرَّا شَان يِجّن، ئِتْخصَّا-يَاس وَار يقَّار شَا قَا ذ أَربِّـي إِي ذَايِي يتْغَرَّان. لَّا، أَربِّـي وَار يتْغَرِّي حَدّ، وَار يتْوَاغَرِّي شَا س شَّرّْ. ¹⁴ نتَّا بْنَاذم يتْوَاغَرَّا س سَّبَاب ن شّهْوث نّس ثَعفَّانْت، نتَّاث إِي ث يتْجَرَّان نتَّاث إِي ث يخدّْعن. ¹⁵ ثُمَّا شّهْوث-أَ وَامِي ثيْسِي اَعدِّيس ثُوْرو-د ڒْمُعْصِيّث، ثُمَّا ڒْمُعْصِيّث-أَ وَامِي ثمْغَار ثجَّا-د ڒْموْث. ¹⁶ آي أَيثْمَا يمْعِيزّن ينُو، وَار خدّْعث شَا يخف نْوم. ¹⁷ مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن. ¹⁸ وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

روخا، شين حد أخديعاوذ لمقطعا س ووارن إينس، أمكناو إتعاواذيت إ شين أمدوكر إعماص إسيسدجن. جانغ أثنعاون مرا إيتو شين حاجث نيغ يانو شي سلخطأ. مرا يوقع منايني ممكن أنسقسا "ماني ثفيذ مانيني ݣي ثيغوري؟"

مين ذانغ ثسرمذ ثيغوريا خ سيدي أربي، خ طبيعث إينس، ذ مينيتݣ؟

مين نرمذ خ إيوذان، زاݣسن إيخفنغ، زݣي ثيغوريا؟

مين نرمذ زݣي ثيغوريا نشنين أگ لقاده؟

موخاس أتطبقض لحقيقة ن سيدي أربي زݣي ثيغوريا ݣي ثوذارث إينك سيمانايا؟ مان رخذمث ذ رحاجث إيتخساك أتݣذ؟

مين إيعنا وا ميݣي أتشاركذ لحقيقة زݣي ثيغوري قبر ما أنمسرقا ثوارات نظن؟ ما ثسنذ شين إيوذان نظن إ يازون أذكتاشفن أوار ن سيدي أربي ݣي أبلكاسيو-نا مثلاً أموخ نشنين؟

ميخف إيديتقارب أنكمر أمسرقيا، جانخ أنقرر مرمي أنمسرقا ثوارات نظن ذ مين إيعنا وا أخان إيسهرن أمسرقي إيديݣورن.

نتشجاعيش أتسجلذ نقاط خ مين تنيذ أتݣذ ذ أتعاوذذ أتسريذ إ ثيغوريا ݣي ريام قبر أمسرقي إيديݣورن. وني إيݣيسݣوران إيزما أذيشارك ثيغوري ذ تيرا نيخ ذ أوار مرا شين حد وغاسشي. ميخف نݣور، أواحيث أنسقسا سيدي أربي أذانيعاون.