Arebbi ixȓeqd bnaḏem

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

24 Inna Arebbi ƹaweḏ: "Aḏ itwaffeɣ zi ṯmurṯ ƹla mkur nuƹ n lḥayawan ḏ ruḥuc". 25 Uca igga marra manaya. 26 Inna Arebbi ƹaweḏ: "A negg bnaḏem x teswarṯ nneɣ amcnaw neccin, aḏ ḥekmen x iserman n rebḥar ḏ ijḍaḍ ujenna ḏ rebhayem ḏ marra ṯmurṯ ḏ marra ruḥuc iǧan x ṯmurṯ". 27 Ixreq bnaḏem ixerqiṯ x teswarṯ nnes, ixerqed aryaz ḏ ṯemɣarṯ.

7 Ikkar Arebbi igga Adam zi ucar uca iṣuḏ ḏeg wanzaren nnes. Iḏwer Adam ḏ ijjen nefs iddar. 8 Uca igga Siḏi Arebbi ijjen rƹarseṯ iy d yusin ḏi jjihet n ccarq, bac aḏays ikk Siḏna Adam. 9 Amc tuɣa isseɣmi Arebbi x ṯmurṯ ƹla mkur ṯacjjarṯ iṣebḥan ixezzran ḏ mecca, igga ḏi rwesṭ n rƹarseṯ ijjen ṯecjjarṯ itticen ṯuḏarṯ ḏ ijjen ṯecjjarṯ iy zi itwassen rxir ḏ ccerr.

15 Yiysi Arebbi Adam iggiṯ ḏi rƹarseṯ bac at ixḏem at iḥḍa. 16 Iweṣṣaṯ innas: "Ecc zi marra recjjur n rƹarseṯ, 17 maca ṯacjjarṯ nni iy zi itwassen rxir ḏ ccerr war zzays tett ca, raḥqqac nhar iy zzays ɣa ṯecceḏ aḏ tmmeteḏ". 18 Ikkar Arebbi ifekkar inna: "War iƹedder aḏ jjeɣ Adam waḥḏes, ixeṣṣa aḏas ggeɣ uw iy ṯ ɣa iƹawnen aṯ iƹecar". 19 Amc tuɣa igga Arebbi s ucar marra lḥayawan n ṯmurṯ ḏ marra ijḍaḍ ujenna, yuyiṯen-d ɣar Adam bac aḏ izar mamc ṯen ɣa isemma, mkur lḥayawan itwasemma s yisem iy ḏas yuca Adam. 20 Ammu isemma Adam marra rebhayem ḏ marra ijḍaḍ ujenna ḏ marra ruḥuc n ṯmurṯ. Maca netta war yufi uw ṯ ɣa iƹawnen ura uw ṯ ɣa iƹecaren. 21 Isuḍeṣ Siḏi Arebbi Adam, ikksas ijjen iɣes zeg uɣezḏis, iƹemmar amcan nni s uysum. 22 S iɣes nni, igga Siḏi Arebbi ṯamɣarṯ uca yuyit ɣar Adam. 23 Inna Adam: "Rexxu nettaṯ ḏ iɣes zeg iɣsan inu ḏ aysum zeg uysum inu". 24 S manawiya itejja aryaz babas ḏ yemmas itmun akeḏ ṯemɣarṯ nnes, ḏeggwren s ṯnayen iḏsen d ijjen arrimeṯ. 25 Ḏi rweqṯ nni tuɣa Adam ḏ temɣarṯ nnes s ṯnayen iḏsen ḏ iƹriyanen maca tuɣa war ḏin bu reḥya jarasen.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.