Arebbi issifna dduniṯa ṯaƹeffant

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

5 Izra Siḏi Arebbi belli ccerr n bnaḏem ikṯar x ṯmurṯ, u marra min d iteffɣen zeg wur nnes yarni ḏi ccerr kur nhar. 6 Uca iḥzen ḏi ṭṭuƹeṯ n bnaḏem, u indem armi ṯ igga x ṯmurṯ,

9 Tuɣa Nuḥ ḏ ijjen bnaḏem nican ḏ rmumen waḥḏes jar yiwḏan n rweqṯ nni, tuɣa iggwer nican akeḏ Arebbi. 10 Ijjed ṯraṯa iḥenjiren qqarnasen: Sam, Ḥam, ḏ Yafaṯ. 11 Ikṯar ccerr ḏ lfesad ḏ imenɣan x ṯmurṯ qibač i Arebbi. 12 Tuɣa axmi ixzzar Arebbi ɣar ṯmurṯ itwarat ṯƹemmar s lfesad raḥqqac tuɣa iwḏan marra ffɣen abriḏ. 13 Innas Arebbi i Nuḥ: "Yiweḍ ukemmer n marra min iddaren ḏi ddenya raḥqqac iwḏan ccuren ṯamurṯ s imenɣan, ƹelḥaseb manaya aṯen meḥiɣ niṯni ḏ ṯmurṯ. 14 Egg i yixf nnec ij uɣarrabu s ukccuḍ n recjjur iṣebḥan, ṯeggeḏ aɣarrabu ḏ ṯizddaɣ, dhenet s barra ḏ ḏaxer s ṯizeft. 15 Ha mamc ḏas ɣa ṯeggeḏ: Egg ḏays miya u xemsin mitru ḏi ṯuzirarṯ, xemsa u ƹicrin mitru ḏi ṯirut, xemsṭac mitru ḏi ruƹra. 16 Egg ṯizeqqa uɣarrabu ṯejjeḏ tamana uzin mitru jar ṯzeqqa ḏ sarjem, egg x ijjen jjihet ṯawwarṯ. Ṯeggeḏ ḏays ṯraṯa n zeddeɣ icten x ṯnneɣnit. 17 Nec aqqa ggwareɣ aḏ ssekkeɣ rfayaḍan waman ɣar ṯmurṯ bac aḏ qeḍiɣ marra uw iǧa arruḥ, ḏ marra min iǧan x ṯmurṯ aḏ immeṯ. 18 Maca cek, akic ggeɣ rƹaheḏ uca aḏ taḏfeḏ ɣar uɣarrabu cek, ḏ ṯarwa nnec, ḏ ṯemɣarṯ nnec, ḏ ṯemɣarin n ṯarwa nnec. 19 Itxeṣṣa cek akiḏec ṯsiḏfeḏ ḏeg uɣarrabu ṯiyuya zi marra lḥayawan, awṯem ḏ ṯawṯemt, ḥima aḏ qqimen ura n niṯni iddaren. 21 Ṯawiḏ akiḏec zi marra lmakla itwaccen, xemmer-t ɣarek ḥima aḏ tiri ḏ makla i cek ḏ lḥayawan". 22 Uca igga Nuḥ marra min zi ṯ yumar Siḏi Arebbi.

17 Iḏum ṭṭufan x ṯmurṯ arbƹin yum. Kṯaren waman, arfƹen aɣarrabu x ṯmurṯ, 18 marnnin waman ktar, aɣarrabu senjensen. 19 Marnnin waman s waṭṭas ḥetta ar mani sḏurin marra iḏurar yuƹran x ṯmurṯ. 20 Ƹḏun waman ṯiqiccaṯin n iḏurar sebƹa n mitru sennej. 21 Immuṯ marra min iddaren x ṯmurṯ ijḍaḍ ḏ rebhayem ḏ ruḥuc ḏ ibƹac ḏ marra iwḏan. 22 Marra min ḏeg iǧa arruḥ x ṯmurṯ immuṯ. 23 Ammu imḥa Arebbi marra min tuɣa iddaren iwḏan ḏ lḥayawan. Iqqim Nuḥ waḥḏes ḏ uw iy kiḏes ḏi uɣarrabu. 24 Uca qqimen waman fiḍan x ṯmurṯ miya u xemsin yum.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.