Ṣṣumƹaṯ n Babil

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

1 Tuɣa qaƹ iwḏan n ṯmurṯ ɣarsen ijjen n lluɣa waha ḏ yijjen n wawaȓ. 2 Ffɣen-d zi ccarq ruḥen tƹezzaben, ufin ijjen n rewḍa ḏi ṯmurṯ n Cinƹar qqimen zeddɣen ḏinni. 3 Nnan jarasen: "Yallah a neggeṯ ȓqaȓeb aḏ yuwa mliḥ." Niṯni ḏeg umcan n uzru ggin ȓqaȓeb ḏeg umcan n ȓbeɣȓi ggin zzefṯ. 4 Nnan: "Yallah, a nebnaṯ ijjen n ṯendint i yixef nneɣ aḏayes ṯiȓi ijjen n ṣṣumƹaṯ aɣares ṯiȓi ṯeqqicit ḏeg ujenna. Ammu a negg isem i yixef nneɣ bac war ntemzeǧiƹ ca x wuḏem n ṯmurṯ-a amen-ṯekmaȓ." 5 Ikkar Siḏi Arebbi ihwa-d ḥima aḏ iẓar ṯandint nni ḏ ṣṣumƹaṯ nni iy bnan ṯarwa n bnaḏem. 6 Inna Arebbi: "Aqa twaȓim, yina ḏ ijjen n ȓgens ssawaȓen s yijjen n lluɣa s marra iḏsen aqa yallah bḏan s min rezzun aḏ ggen. War ḏinni bu can n ṯmesȓayṯ iy ḏasen ɣa ikksen min rezzun aḏ ggen ḏeg wuȓawen nsen. 7 Yallah a nehwa ḏinni ḥima a nsemxumbeȓ awaȓ nsen bac war fehhmen ca i lluɣaṯ nsen jarasen." 8 Ssenni isemzeǧeƹ-iṯen Siḏi Arebbi x marra uḏem n ddenya-ya, uca sbedden ȓebni n ṯendint-a. 9 S manaya minzi tsemman-t ṯandint nni n Babil wami isemxumbeȓ ḏinni Siḏi Arebbi lluɣa nni n marra ddenya. Ssenni ƹaweḏ ig isemzeǧeƹ Arebbi iwḏan x wuḏem n marra ṯamurṯ

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.