Siḏna Brahim ittiq gi Arebbi

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

1 Inna Arebbi i Siḏna Brahim: "Kkar ffeɣ zi ṯmurṯ nnec, ṯejjeḏ reḥbab nnec ḏ ṯeddarṯ n babac, ṯruḥeḏ ɣar ṯmurṯ iy ḏac ɣa secneɣ. 2 Uca azzayk ggeɣ ijjen cceƹb imɣar, uca ac berkeɣ, aḏ semɣareɣ isem nnec, aḏ tiriḏ ḏ lbereka i ḥed nneḍnit. 3 Aḏ berkeɣ uw c ɣa iberken, aḏ neƹreɣ uw c ɣa ineƹren, aḏ twaberken marra regnus n ṯmurṯ ḏi ṭṭuƹeṯ nnec". 4 Ikkar iruḥ Brahim amc tuɣa ṯ yumar Arebbi, yuyur akis Luṭ. Tuɣa Siḏna Brahim ɣars xemsa u sebƹin sna armi iffeɣ zi ṯmurṯ n Ḥaran. 5 Yiwi Siḏna Brahim akiḏes ṯamɣarṯ nnes, ḏ Luṭ mmis n wumas ḏ marra agra iy tuɣa ijmeƹ ḏ marra uw tuɣa akis itƹicen, uca ffɣen marra ruḥen ɣar ṯmurṯ n Kenƹan ḥetta ar mani ɣars iwḍen. 6 Ibḏa Siḏna Brahim iggwer zeg umcan ɣar unneḍnit ḥetta ar mani iweḍ ɣar ṭṭarf n ṯendint nni umi qqaren Cakim, mani tuɣa zeddɣen Ayṯ Kenƹan. 7 Maca armi d ibedd Arebbi ɣar Siḏna Brahim innas: "I ddurriṯ nnec iy umi ɣa uceɣ ṯamurṯa". Uca ibna ḏinni Siḏna Brahim ijjen rmeḏbeḥ ḏeg umcan mani ɣars d ibedd Siḏi Arebbi.

1 Awarni ṯemsrayina, ibedded Arebbi ɣar Brahim innas: "War tteggweḏ ca, a Brahim, nec qqa ḥeḍiɣac, u rajar nnec imɣar s waṭṭas". 2 Yarrad xas Brahim innas: "Ya Siḏi Arebbi waxxa rajar inu imɣar, u nec ƹaḏ war ɣari bu iḥenjiren, u aḏayi iwereṯ uxddam inu zi Dimacq umi qqaren Aliƹazer". 3 Innas ƹaweḏ: "Axddam n ṯeddarṯ inu netta iy ɣa yirin ḏ awriṯ inu raḥqqac war ḏayi ṯuciḏ bu ddurriṯ". 4 Yarrad xas Arebbi innas: "War iǧi bu ḏ wa ic ɣa iwerṯen, maca min d ɣa ṯejjeḏ cek iy ɣa yirin ḏ awriṯ nnec". 5 Uca isufiɣṯ Arebbi ɣar barra innas: "Xzar ɣar ujenna ṯḥeseb iṯran mera ṯzemmareḏ". Umbeƹd innas: "Ammu iy ɣa ṯiri ddurriṯ nnec". 6 Yumen Siḏna Brahim s Arebbi s liman nnes yarḍa xas Arebbi.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.