Arebbi ibarreḥasd i Siḏna Musa

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

23 Rami ƹḏun aṭṭas n wussan immuṯ uzǧiḏ nni n Miṣra, waxxa amnni qqimen Bani Israyil ƹaḏ ḏ isemɣan uca mmarnin iɣuyan nsen s ṯziyar ḏ ddeǧ iy ḏi itƹicen uca ṯgeƹƹeḏ ṯmijja nsen ɣar Arebbi. 24 Itsra Arebbi iɣuyan nsen, uca ifekkar rƹaheḏ nnes ig igga s qber akeḏ Siḏna Brahim ḏ Siḏna Isḥaq ḏ Siḏna Yeƹqub. 25 Ixzar Arebbi ɣar yiwḏan nnes, Bani Israyil, uca ifhem lḥala nsen. 1 Siḏna Musa tuɣa iras rebhayem uḍggwar nnes Yaṯrun refqih n Midyan. Ijjen nhar indeh rebhayem awarni ṣṣaḥra ḥetta ar mani yiweḍ ɣar uḏrar n Arebbi umi qqaren Ḥurib. 2 Ḏinni iy ḏas d immeḍhar lmelayka n Siḏi Arebbi ḏeg uceƹƹar n ṯimssi zi rwesṭ n ijjen ṯcejjarṯ. Izra Musa ṯacejjarṯ nni ṯreq bra ma t ṯecc ṯimssi. 3 Inna ḏi nefs nnes: "Aḏ raḥeɣ ḥima aḏ xzareɣ lmunḍara ameqqran. Mayemmi ṯacejjarṯ war ṯḥarreq ca"? 4 Rami ṯ izra Siḏi Arebbi belli netta iruḥ ḏinni bac aḏ ixzar, ibarḥas-d zi rwesṭ n ṯcejjarṯ: "Musa, Musa". Innas: "Ha aqqayi". 5 Innas Arebbi: "War tqarreb ca ḏanita. Kkes ṯisira zeg iḏaren nnec, raḥqqac amcan ixf ṯbeddeḏ netta ḏ ijjen ṯmurṯ mqeddsa". 6 Uca innas: "Nec ḏ l'ilah n rejḏuḏ nnec, l'ilah n Brahim ḏ Isḥaq ḏ Yeƹqub". Rxednnit isuḏarri Musa aɣembub nnes iggweḏ ḥima war itwiri Arebbi. 7 Innas Siḏi Arebbi: "Qqa zriɣ twariɣ ddeǧ iy ḏi itƹic cceƹb inu ḏi Miṣra, tesriɣ iɣuyan nsen ḏi ṭṭuƹeṯ n rƹaḏeb iy xasen ssekken imiṣriyen amc ssneɣ tamara iy ḏi itƹicen, 8 uca hwiɣ-d bac aṯen senjmeɣ zeg ifassen imiṣriyen uca aṯen ssufɣeɣ zi ṯmurṯ n Miṣra ɣar ijjen ṯmurṯ ṯeṣbaḥ ḏays ttasiƹ mani icaḍ uɣi ḏ ṯamment, ɣar ṯmurṯ n Ayṯ Kenƹan. 9 Qqa rexxu uḍan-d ɣari iɣuyan n yiwḏan inu, Bani Israyil, u nec zriɣ aḍram ḏ tamara iy xasen ssekken imiṣriyen. 10 Rexxu yallah ac ssekkeɣ nec ɣar Firƹun bac aḏ tssufɣeḏ cceƹb inu zi ṯmurṯ n Miṣra". 11 Innas Musa i Arebbi: "Min ƹniɣ nec ḥetta ar ɣa raḥeɣ ɣar Firƹun bac ad ssufɣeɣ Bani Israyil zi Miṣra"? 12 Innas: "Nec akic iriɣ. Mermi ma aḏ tssufɣeḏ cceƹb inu zi Miṣra aḏayi ṯƹebḏem ḏa x uḏrara. Uca aḏ yiri manaya ḏ raƹrameṯ belli nnec iy c issekken". 13 Innas Musa i Arebbi: "Nhar ḏi ɣa raḥeɣ ɣar Bani Israyil uca aḏasen iniɣ: "Qqa l'ilah n rejḏuḏ nwem issekkayid ɣarwem uca aḏayi sseqsan: Mamc ḏas qqaren i Arebbi nni? Min ḏasen ɣa iniɣ?" 14 Yarra xas Arebbi innas: "Nec ḏ wenni iy ɣa iqqimen i rebda". Yarnni innas: "Ammu iy ɣa ṯenniḏ i Bani Israyil: Wenni iy ɣa iqqimen i rebda, netta iy ḏi d issekken ɣarwem".

1 Innas Siḏi Arebbi i Musa: "Xzar! Nec qqa ggiɣac amcnaw axmi ḥḍareɣ akeḏ Firƹun, u umac Harun netta aḏ issiweḍ awar nnec. 2 Cek ini marra min zi c ɣa umareɣ, Harun umac netta aḏ issiwer akeḏ Firƹun ḥima aḏ yarzem i Bani Israyil zi ṯmurṯ nnes. 3 Maca nec aḏ sqesḥeɣ ur n Firƹun. Waxxa kṯareɣ zi rmuƹjizaṯ ḏ reƹjayib inu ḏi ṯmurṯ n Miṣra, 4 war ɣarwem itsri ca, ḥetta ar ɣa sbiyneɣ jjehḏ inu x ṯmurṯ n Miṣra. Rxednnit aḏ ssufɣeɣ ṯiqbbirin inu, iwḏan n Bani Israyil ssenni, axmi d ɣa ƹeqbeɣ imiṣriyen x ṯemsrayin ṯiƹeffanin. 5 Rxednnit aḏ ssnen imiṣriyen belli nec ḏ Arebbi axmi ɣa ssufɣeɣ Bani Israyil zi rwesṭ nsen".

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.