Aḥuȓi n Ȓƹiḏ Ameqqran n Ayṯ-Israʼil

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

1 Ḏi ṯmurṯ n Miṣra, inna Siḏi Arebbi i Musa ḏ Harun: 2 "Zi rexxu aḏ yiri chara netta ḏ azǧif n rechur i kenniw u aḏ yiri ḏ char amezwaru n useggwas. 3 Ssiwrem ɣar marra jmaƹṯ n Bani Israyil ṯinimasen: Mkur ijjen aḏ iṭṭef ḏi nhar ƹecra ḏi chara ijjen yizmar niɣ ijjen yiɣiyḏ ƹelḥaseb lƹila nnes.

21 Umbeƹd issek Musa ɣar marra imeqqranen n Bani Israyil innasen: "Ruḥem ṯixḍarem izmar i lƹila nwem ṯɣersemas ƹelḥaseb rƹiḏ. 22 Umbeƹd ṯeṭṭfem arbiƹ n friyu ṯɣeṭṭṣem-t ḏeg iḏammen iǧan ḏeg ubuqar ṯruccem zzaysen amcan yuƹran n ṯewwarṯ ḏ reḍruf nnes, war itffeɣ ura ḏ ijjen zzaywem zi ṯeddarṯ nnes ḥetta ar ṣbaḥ. 23 Raḥqqac Siḏi Arebbi ad iƹḏu s ǧireṯ bac aḏ ineɣ imiṣriyen, axmi ɣa izar iḏammen x reḍruf n ṯewwarṯ ḏ jjihet nennej aḏ ikk aḏ iƹḏu war itijji bu malak lmut aḏ yaḏef ṯuḏrin nwem bac war kenniw ineqq. 24 Manaya ixeṣṣa aḏ iqqim ḏ lfariḍa i kenniw ḏ ṯarwa nwem i rebda. 25 Axmi ɣa ṯaḏfem ṯamurṯ iy zi kenniw iƹheḏ Siḏi Arebbi aḏawem t yuc ixeṣṣa aḏ txeḏmem lfariḍaya. 26 Rxednnit axmi kenn ɣa sseqsan iḥenjiren nwem: Min ṯexs aḏ tini lfariḍaya bennisba i kenniw? 27 Rxednnit axasen tarrem: Nettaṯ ḏ teḍḥiyeṯ n rƹiḏ n wunjam zi rmuṯ armi Siḏi Arebbi ikka iƹḏu x ṯuḏrin nneɣ ḏi Miṣra rami inɣa imiṣriyen u isenjem lƹila nneɣ". Uca iwḍa cceƹb isjeḏ ɣar ṯmurṯ. 28 Uca ruḥen Bani Israyil ggin marra minzi yumar Siḏi Arebbi Musa ḏ Harun. 29 Ɣar rwesṭ n ǧireṯ ikkar inɣa Siḏi Arebbi marra imenza n ṯmurṯ n Miṣra, zeg umenzu n Firƹun iǧan x lƹarc ar amenzu uneḥbus iǧan ḏi rḥebs ḏ marra imenza n reksibeṯ. 30 Ikkar ifaq Firƹun s ǧireṯ netta ḏ rḥukkam nnes ḏ marra imiṣriyen, ṯekṯar ṯɣuyiṯ ḏ ṯameqqrant ḏi ṯmurṯ n Miṣra raḥqqac war ṯeqqim ura ḏ ijjen ṯeddarṯ war ḏays bu rmuṯ. 31 Issekk Firƹun s ǧireṯ ɣar Musa ḏ Harun innasen: "Kkarem ffɣem zi rwesṭ n cceƹb inu, ffɣem kenniw ḏ Bani Israyil marra, ruḥem aḏ tƹebḏem Arebbi ƹelḥaseb mamc zzayi ṯettarem

40 Tuɣa zeḏɣen Bani Israyil ḏi Miṣra arbƹa miya u ṯraṯin sna. 41 Ḏi nhar amggaru beddat zi arbƹa miya u ṯraṯin sna ffɣent marra ṯiqbbirin n Bani Israyil zi ṯmurṯ n Miṣra. 42 Tuɣa ḏ ijjen ǧireṯ ḏ ṯameqqrant ɣar Siḏi Arebbi raḥqqac ḏays iy d issufeɣ Bani Israyil zi ṯmurṯ n Miṣra. Aḏ ckaren Bani Israyil Siḏi Arebbi x ǧireṯ nni zi ljjil ɣar unneḍnit.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.