Dda’ira n Ȓmuƹṣiyeṯ

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

10 Marra israʼiliyen-a iy d ixeȓqen gi ȓweqṯ nni mmuṯen njemƹan ɣar ȓejḏuḏ nsen. Ddurriṯ nsen war ssinen ca Siḏi Arebbi ḏ ȓexḏayem nni ig yegga i Ayṯ-Israʼil. 11 Ikkar ccaƹb n Ayṯ-Israʼil yegga ccarr zzaṯ n ṯiṭṭawin n Siḏi Arebbi ƹebbḏen lʼaṣnamaṯ nni umi qqaren Ibaƹlaṯen. 12 Semmḥen ḏi Siḏi Arebbi netta ḏ Babas n ȓejḏuḏ nsen ḏ netta iy ṯen d issufɣen zi ṯmurṯ n Miṣra. Ḏeffaren lʼalihaṯ nneɣni n ȓegnus iy ḏasen d itennḍen tsejjaḏen-asen ɣar ṯmurṯ sƹeṣṣaben Arebbi. 13 Semmḥen ḏi Siḏi Arebbi ƹebbḏen lʼaṣnamaṯ nni umi qqaren Ibaƹlaṯen ḏ Ṯiƹacturin. 14 Yarɣa Siḏi Arebbi s uƹaṣṣeb ḍedd n Ayṯ-Israʼil ijji-ṯen ḏeg ifassen n iceffaren ḥima aṯen ḥewwsen. Izzenz-iṯen ɣar ifassen n ȓƹaḏyan nsen iy ḏasen d itennḍen war zemmaren ca aḏ bedden zzaṯ n iƹḏawen. 15 Meȓmi ma ffɣen-d ȓƹaskar nsen itiȓi ufus n Siḏi Arebbi ḍedd nsen ḥima aṯen ḍarren. Ammen iy ḏasen iƹȓem Siḏi Arebbi ammen iy ḏasen ijjuǧ. Tuɣaṯen ḏeg yijjen n tamara ḏ ṯameqqrant. 16 Ikkar Siḏi Arebbi yuca-asen ȓquḍaṯ bac aṯen snejmen zeg ifassen n yinni iy ṯen itḥewwasen. 17 Niṯni war tṣenniṭen ca i ȓquḍaṯ-a nsen ruḥen sfessaḏen ixef nsen ak lʼalihaṯ nneɣni tsejjaḏen-asen ɣar ṯmurṯ. Ḏeɣya ffɣen abriḏ nni ḏi tuɣa ḏeffaren ȓejḏuḏ nsen yinni iteggen array i ȓuṣiyaṯ n Siḏi Arebbi. Yina lla, ugin aḏasent ggen array. 18 Meȓmi ma ḏasen issekk Siḏi Arebbi ȓquḍaṯ nni itiȓi ak ȓqaḍi nni isenjam-iṯen Siḏi Arebbi zeg ifassen n ȓƹaḏyan nsen ḏi marra ȓḥukkem n ȓqaḍi nni. Minzi iqqes-as ȓḥaȓ i Siḏi Arebbi x ṣṣewt n inehhaken nsen ḏ yinni iy ṯen itƹeddaben ḏ yinni iy ṯen iḍeǧmen. 19 Walakin wami immuṯ ȓqaḍi nni, niṯni aḏ ƹeqben ɣar ḏeffar aḏ sfessḏen ixef nsen ktar zi min tuɣa ggin ȓejḏuḏ nsen. Rezzun x lʼalihaṯ nneɣni ƹebbḏen-ṯen tsejjaḏen-asen, ugin aḏ semḥen ḏi ȓefƹayeȓ nsen ḏ ibriḏen n ṯɣennant. 20 X manaya yarɣa Siḏi Arebbi s uƹaṣṣeb ḍedd n Ayṯ-Israʼil yenna: "Iwḏan-a wami ƹeṣṣan ȓƹaheḏ inu iyzi ṯen weṣṣiɣ nec i ȓejḏuḏ nsen war tṣenniṭen ca i wawaȓ inu, 21 ataf war ssufuɣeɣ uȓa ḏ ijjen n ȓgens zeg yinni ig ijja Yacuƹ wami immuṯ. 22 Ammu s ȓegnus-a iy ɣa jarrbeɣ Ayṯ-Israʼil ma aḏ ggen array i ubriḏ n Siḏ Arebbi mammec ggin ȓejḏuḏ nsen niɣ lla." 23 X manaya Siḏi Arebbi ijja ȓegnus nni, war ṯen d issufeɣ ca ḏeɣya war ṯen ijji ca ḏeg ufus n Yacuƹ.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.